Падчас пераможнага матчу з ЗША на хакейным чэмпіянаце ў Чэхіі беларускія хакеісты - якія і самі гулялі ў бел-чырвона-белых колерах - бачылі за брамай суперніка недазволеную ў Беларусі сымболіку.
Стараньнямі чэскіх беларусаў увесь хакейны сьвет пабачыў у чацьвер на экранах тэлевізараў беларускія нацыянальныя сьцягі.
Дэманстрацыя бел-чырвона-белага сьцяга на спартовых спаборніцтвах у Чэхіі раней сутыкалася і з праблемамі. Летась у Празе падчас матчу Кантынэнтальнай Хакейнай Лігі паміж камандамі «Дынама» Менск і «Леў» Прага ахова спартовай арэна прымусіла беларускіх заўзятараў схаваць сьцяг, а пасьля, ужыўшы сілу, забрала яго.
Сёлета беларуская нацыянальная сымболіка ўжываецца на чэмпіянаце без абмежаваньняў.
