Лукашэнка: Мы прыедзем у сталіцу нашай Радзімы Маскву
Лукашэнка: У нас свой парад, у іх свой. А мы хочам жыць у сваёй кватэры
Янукевіч: Масква — цэнтар сусьвету Лукашэнкі
Старшыня Партыі БНФ Аляксей Янукевіч пра заявы Аляксандра Лукашэнкі: «Мы — частка рускага сьвету», «Мы паедзем у Маскву і пакажам, што мы — рускі сьвет», «Рускія людзі шмат уклалі ў тое, каб у нас была нацыянальная культура»:
«Такія заявы Аляксандра Лукашэнкі гучаць ня першы раз. Фактычна, гэта працяг тэзы „беларусы — гэта тыя ж рускія, толькі са знакам якасьці“. На жаль, Аляксандар Лукашэнка разважае ў кантэксьце Масквы як цэнтру сусьвету, да якога ён мае безумоўнае пазытыўнае стаўленьне і які ёсьць для яго адзінай опцыяй утрымліваць эканамічную мадэль, якую ён пабудаваў».
Пра Беларусь у вайне ва Ўкраіне
Адказваючы на пытаньні дэпутатаў, Лукашэнка зноў закрануў тэму перамоваў па Ўкраіне ў Менску.
«Мы на гэтую ролю не набіваліся, але мы вельмі цэнім тое, што выбралі нас... Мы згулялі тую ролю, якую нас папрасілі згуляць», — канстатаваў ён.
Ён прызнаў, што правядзеньне перамоваў па Ўкраіне ў Менску спрыяльна адбіваецца на іміджы Беларусі. «Аднак галоўнае, што вайна ідзе не на Галанскіх вышынях, ня ў Лібіі і не ў Іраку. Вайна ідзе ў нас... Мы ўжо ўцягнутыя ў яе... Нашы ваююць і на адным, і на другім баку», — заявіў ён.
Лукашэнка заявіў, што калі хтосьці за 10 тысяч даляраў гатовы галавой налажыць — няхай ваюе. Аднак яго вельмі непакоіць, што будуць рабіць гэтыя людзі, вярнуўшыся ў Беларусь: «Гэтыя баевікі, пачуўшы кроў, вернуцца дадому. Кім яны будуць?».
«Гэта наш боль і наша небясьпека», — заявіў Лукашэнка, кажучы пра вайну ва Ўкраіне.
Лукашэнка пра «рускі мір» і «сваю кватэру»
Адносіны з Расеяй
Доўгія блытаныя развагі пра «рускі мір», пра адносіны з Расеяй павінны пераканаць расейцаў у вернасьці саюзьніка, прадухіліць з боку Масквы паўтор украінскага сцэнару адносна Беларусі.
Запэўніваньне, што ў выпадку ваеннага канфлікту Расеі з Захадам Беларусь будзе з Расеяй. Пры гэтым Лукашэнка прыводзіць аналёгію зь дзеяньнямі ЗША ў Іраку. Маўляў, калі Злучаныя Штаты пачалі вайну, НАТО іх падтрымала. Гэта няпраўда. НАТО ў той час раскалолася, Францыя і Нямеччына выступілі рашуча супраць палітыкі ЗША.
Яшчэ адзін цікавы тэзіс: Расея крытыкуе Беларусь таму, што там баяцца распаўсюду беларускай мадэлі ў РФ. Гэта ў момант, калі беларуская мадэль у вострым крызісе.
Лукашэнка апраўдваецца за стварэньне незалежнасьці Беларусі — маўляў, я не вінаваты ў гэтым няшчасьці (аплядысмэнты)! Прэзыдэнт выбачаецца за стварэньне дзяржавы, якой сам кіруе!
«Ня дай бог што здарыцца — мы будзем разам з Расеяй»
Лукашэнка заявіў, што сярод кіраўніцтва Расеі ёсьць меркаваньне, што Беларусь нібыта ўзяла крэн на Захад. «Можа, хтосьці і ўзяў, але пакуль я прэзыдэнт, і хіліцца мне няма куды», — адзначыў ён. Кіраўнік дзяржавы ўзгадаў, што яму забаронены ўезд на Захад, і запэўніў, што Беларусь застанецца саюзьнікам Расеі.
«Мы вашы браты, мы заўсёды былі разам і будзем разам. Але дазвольце нам мець свой пункт гледжаньня», — адзначыў ён.
Лукашэнка заявіў, што заўсёды наўпрост казаў эўрапейцам і амэрыканцам: «Мужыкі, вы павінны ведаць: ня дай бог што здарыцца — мы будзем разам з Расеяй. Гэта наш саюзьнік».
Лукашэнка заявіў, што яны з Пуціным дамовіліся пра непублічнасьць адносін: «Калі ў яго ёсьць заўвагі, ён як мужык мне гэта кажа. Дакладна так і я».
Пустая рыторыка пра дыялёг з апазыцыяй
Лукашэнка кажа, што парлямэнт — галоўная пляцоўка для дыялёгу, цягніце сюды ўсіх апазыцыянэраў, няхай тут дыскутуюць, а не на плошчы. Добрая ідэя. Але для яе рэалізацыі трэба для пачатку правесьці свабодныя выбары. Голая рыторыка і ня больш за тое. Апазыцыі ў межах гэтай мадэлі проста няма месца.
Працатэрапія для алькаголікаў
Лукашэнка прапануе прымяняць для алькаголікаў працатэрапію. Прымусовая праца — унівэрсальнае рашэньне ўсіх сацыяльных праблемаў у паліцэйскай дзяржаве.
Рэформа царквы
Навёўшы парадак у эканоміцы, Лукашэнка вырашыў рэфармаваць царкву. «Што за замшэласьць: сьвятар высокага ўзроўню не павінен мець дзяцей», — заявіў кіраўнік дзяржавы. Але паводле правілаў праваслаўнай царквы высокія пасады можа займаць толькі манах.
Не мяняючы мадэль.
Cпроба прымусіць працаваць эканоміку заклікамі, патрабаваньнямі, нічога не мяняючы ў самой эканамічнай сыстэме. Самі па сабе прапановы, агучаныя Лукашэнкам, можа, і правільныя. Але ў межах існай эканамічнай мадэлі яны не працуюць.
Лукашэнка раптам раіць чыноўнікам сябраваць з апазыцыянэрамі
Нечакана Лукашэнка раіць чыноўнікам размаўляць і нават сябраваць з апазыцыянэрамі. Бо апазыцыянэры «зразумелі, што такое мір, стабільнасьць і зямля». «Нам канфрантацыя не патрэбная. Таму трэба размаўляць з усімі», — кажа Лукашэнка, і гэта, можна сказаць, пэўныя новыя ноткі. Найчасьцей апошнія гады кіраўнік дзяржавы гаварыў пра апазыцыю выключна ў прыніжальным і абразьлівым тоне. «Новыя ноткі» відавочна выкліканыя апошнімі геапалітычнымі зьменамі, наступам «рускага міру». На гэтым фоне Лукашэнка (хаця б зьнешне) дэманструе прыхільнасьць да нацыянальнага кампрамісу і паразуменьня. Аднак пераацэньваць такія «ноткі» відавочна, нельга.
Пра мову і патрыятызм
На дарогах надпісы зьявіліся на беларускай мове – нас пачалі гэтым папракаць. Але гэта наша родная мова!
Мы сувэрэнная незалежная дзяржава, але ўсю зьнешнюю палітыку каардынуем з Расеяй: прымаем сумесныя двухгадовыя пляны і зацьвярджаем на вышэйшым узроўні. Учора не было такой краіны, як Беларусь, сёньня – ёсьць, але будзем сумленныя: што, мы самі гэтага захацелі?
Лукашэнка хваліць апазыцыю: Ня ўсе яны гадкія і шкодныя
Лукашэнка пра Зісера:
Лукашэнка пра магчымыя ўзбройныя канфлікты: мы будзем побач з Расеяй
Лукашэнка: калі нешта здарыцца, мы будзем побач з Расеяй. Гэта наш саюзьнік. Вядома, ня дай Бог нам трэба патрапіць у такую сытуацыю, калі, насуперак усяму, мы будзем вымушаная падтрымліваць нашага саюзьніка.
Мы прыедзем у Маскву і пакажам, што мы - рускі мір!
«Прадказальная і стабільная Беларусь — каштоўнасьць для ўсяго сьвету»
Лукашэнка заявіў, што час паказвае «эфэктыўнасьць беларускай палітычнай сыстэмы», заснаванай на «прамым народапраўстве».
«Нам канфрантацыя ўнутры краіны абсалютная не патрэбная», — падкрэсьліў кіраўнік дзяржавы.
Лукашэнка адзначыў узмацненьне ролі канструктыўных арганізацыяў у разьвіцьці грамадзянскай супольнасьці.
Гаворачы пра міжнародную палітыку, ён згадаў пра міратворчую ролю Беларусі:
«І амэрыканцы, і эўрапейцы прызналі, што Беларусь грае адну з найважнейшых функцыяў у рэгіёне па забесьпячэньні бясьпекі. Гэта праўда, гэта справядліва... Прадказальная і стабільная Беларусь — каштоўнасьць для ўсяго сьвету».
Дзіўныя развагі пра кіно, пра голых баб у ложку, безь якіх зараз ніякага «кіна» няма. Ну, зразумела, «ажыўляж» напэўна патрэбны. Але, здавалася б, ня так дробнатэмна. Шчасьлівая краіна, у якой важная праблема, вартая ўзгадкі ў пасланьні парлямэнту і нацыі – стан айчыннага кінэматографа. Можа, Беларусь такая і ёсьць? А можа, напляваць? Вось захацелася паказаць, што і да «кіна» ёсьць справа – і сказаў. Пра ўсё клапаціцца даводзіцца, без «бацькі» ж і бульбу перабраць ня могуць.