Лінкі ўнівэрсальнага доступу

Ізраільскіх палітыкаў ня будзе на Парадзе 9 траўня ў Маскве


На парадзе на Краснай плошчы будзе прысутнічаць толькі амбасадар Ізраіля ў Маскве Дорыт Голендэр.

Ніводзін з высокапастаўленых ізраільскіх палітыкаў ня будзе прысутнічаць на Парадзе Перамогі ў Маскве. Пра гэта паведаміў у нядзелю ізраільскі телеканал ІТВ. Афіцыйнай прычынай, па якой ня будзе прадстаўніка габрэйскай дзяржавы ў расейскай сталіцы падчас сьвяткаваньня 70-годдзя перамогі над фашысцкай Нямеччынай, зьяўляецца тое, што ні ў каго з апытаных не аказалася вольнага часу.

Асабістае запрашэньне на сьвяткаваньне Дня Перамогі ў Маскве атрымаў прэзыдэнт Ізраіля Рэўвэн Рыўлін, аднак ён паведаміў, што ня зможа прыляцець, паколькі 9 траўня выпадае на суботу. Рыўлін выконвае габрэйскія традыцыі і ня можа парушаць «Шабат». Акрамя таго, у названыя даты ён будзе знаходзіцца ў Нямеччыне, дзе будзе адзначацца 50-годзьдзе дыпляматычных адносін паміж краінамі.

Па розных прычынах адмовіліся ляцець у Маскву былы прэзыдэнт Ізраіля Шымон Перэс, а таксама кіраўнік МЗС Авігдор Лібэрман. Некалькі дзён таму адмяніла візыт у расейскую сталіцу дэпутат Кнэсэту і міністар абсорбцыі Софа Ландвэр. Паводле інфармацыі тэлеканала, ад Ізраіля на парадзе будзе прысутнічаць амбасадар Ізраіля ў Маскве Дорыт Голендэр.

Пры гэтым тэлеканал выказаў здагадку, што сапраўднай прычынай, па якой Ерусалім вырашыў практычна праігнараваць сьвяткаваньне Дня Перамогі ў Маскве, стала зьняцьце эмбарга на пастаўкі Ірану зэнітна-ракетных комплексаў С-300. Хоць афіцыйна гэтая прычына не была названая.

Тэлеканал адзначае, што расейскія СМІ асудзілі Ізраіль, назваўшы адмову даслаць высокапастаўленага прадстаўніка ўрада «ізраільскай аплявухай».

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG