Лінкі ўнівэрсальнага доступу

Амэрыканскія дэсантнікі прыбылі ва Ўкраіну


Амбасадар Злучаных Штатаў ва Ўкраіне Джэфры Пайет.

Дэсантнікі 173-й брыгады Ўзброеных сіл ЗША прыбылі ва Ўкраіну для навучаньня украінскіх вайскоўцаў. Пра гэта ў Twitter паведаміў амбасадар Злучаных Штатаў ва Ўкраіне Джэфры Пайет.

На фатаграфіі, якую дадаў да свайго паведамленьня дыплямат, відаць групу амэрыканскіх інструктараў на фоне будынка Львоўскага аэрапорта.

Віцэ-прэзыдэнт ЗША Джозэф Байдэн ў сярэдзіне сакавіка распавёў прэзыдэнту Ўкраіны Пятру Парашэнку аб рашэньні Барака Абамы аб правядзеньні бліжэйшым часам трэніровак для ўкраінскіх вайскоўцаў.

Кіеў таксама зьвяртаўся да Вашынгтону з просьбай аб прадастаўленьні сучасных узбраеньняў. Гэта рашэньне падтрымліваюць амэрыканскія кангрэсмэны, але дапамогу пастаўкамі летальнай зброі да гэтага часу блякуе адміністрацыя прэзыдэнта ЗША.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG