Гэты лёзунг гіпі 60-х прыгадаўся ў сувязі з айчыннымі выбарамі. Галоўнымі сэнсацыямі выбарчай кампаніі робяцца заявы палітыкаў пра няўдзел у выбарах. Мілінкевіч ня пойдзе. Ух ты! Карач ня пойдзе. Wow! Някляеў ня пойдзе, а пойдзе нават прэч з «Гавары праўду». Ну зусім.
Падумалася — а калі і Лукашэнка паддасца агульнай плыні і скажа: ды надакучыла, і час небясьпечны, падамся ў рэктары куды-небудзь, я ж гісторык як ніяк. І ўсе астатнія разам за ім.
Цікава, а што прадугледжана Канстытуцыяй, калі на прэзыдэнцкія выбары ніхто ня вылучыўся? Ну няма жадаючых. Што тады?
Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org
