Лінкі ўнівэрсальнага доступу

У Казахстане асудзілі жанчыну за заклікі далучыцца да Расеі і абразу казахаў

абноўлена

Тацьцяна Шаўцова-Валава гаворыць з карэспандэнтамі падчас судовага працэсу раней сёлета

Суд у Казахстане прысудзіў грамадзянку гэтай краіны за распальваньне міжэтнічнай варожасьці праз зьневажальныя выказваньні пра казахаў і заклікі да ўваходжаньня Казахстану ў склад Расеі.

У выніку рашэньня суда Алматы, Тацяна Шаўцова-Валава, якая зьяўляецца этнічнай расейкай, атрымала ўмоўны 4-гадовы тэрмін. Гэта значыць, што яна ня трапіць за краты, калі ня зробіць іншых парушэньняў.

Як заявілі сьледчыя, у паведамленьнях ў сацыяльных сетках жанчына называла казахаў «чуркамі». Яна таксама пісала, што Казахстан павінен стаць часткай Расеі, як Крым, які Масква анэксавала летась.

Анэксія Крыму і падтрымка Масквой прарасейскіх сэпаратыстаў на ўсходзе Ўкраіны выклікалі асьцярогі адносна намераў Крамля ў Казахстане, паўночныя рэгіёны якога населеныя шматлікай расейскай меншасьцю.

Тацьцяну Шаўцову-Валаву прыцягвалі да крымінальнай адказнасьці на падставе заявы некалькіх карыстальнікаў сацыяльных сетак, якія палічылі, што яе пасты ўяўляюць сабою абразу і дыскрымінацыю па этнічнай прыналежнасьці. Шаўцову-Валаву ўзялі пад хатні арышт на час сьледзтва і суду.

Судовы разбор у гэтай справе пачаўся сёлета ў студзені. Жанчына абвінавачваньні на свой адрас адмаўляла.

15 сьнежня суд у Астане, прысудзіў грамадзяніна Казахстану Яўгена Ўдавенку да пяці гадоў турэмнага зьняволеньня за змаганьне на баку прарасейскіх сэпаратыстаў ва Ўсходняй Украіне, дзе больш за 6000 чалавек загінулі з красавіка.

Казахстан зьяўляецца ключавым партнэрам Расеі і Ўладзіміра Пуціна ў пытаньнях рэгіянальнай бясьпекі і Эўразійскага эканамічнага саюзу. Казахстан стаў апошняй савецкай рэспублікай, якая абвясьціла пра сваю незалежнасьць у 1991 годзе.

Каля 25% ад 17-мільённага насельніцтва Казахстану складаюць этнічныя расейцы, большасьць зь якіх жыве ў паўночных рэгіёнах, якія мяжуюць з Расеяй — на тэрыторыях, дзе межы зьмяняліся некалькі разоў падчас царскай і савецкай эпохі. Мяжа Казахстану і Расеі складае 7000 кілямэтраў і зьяўляецца найдаўжэйшай у Эўразіі.

У канцы 1980-х і на пачатку 1990-х гадоў, калі Савецкі Саюз распаўся, расейскія нацыяналістычныя групы ў Казахстане і Расеі часта заклікалі да рэфэрэндуму, каб некаторыя тэрыторыі Казахстану далучыць да Расейскай Фэдэрацыі.

Канфлікт ва Ўкраіне і рыторыка Пуціна выклікаюць асьцярогу ў Казахстане. Прэзыдэнт краіны Нурсултан Назарбаеў у адказ пачаў зьвяртаць увагу на гісторыю краіны і ідэнтычнасьць казахаў як нацыі. Гэтак, 15 сьнежня, Назарбаеў павіншаваў народ напярэдадні сьвяткаваньня Дня незалежнасьці, заявіўшы, што незалежнасьць Казахстану «зьяўляецца вынікам намаганьняў нашых продкаў, іх потам і крывёю, іх заклікам да кожнага казаха абараняць краіну да апошняй кроплі крыві». Назарбаеў сказаў, што ў 2015 годзе Казахстан адзначыць 550-годзьдзе Казахскага ханства.

Яго словы сталі наўпроставым адказам на заяву Пуціна летась у жніўні, што казахі ніколі ня мелі дзяржаўнасьці.

Назарбаеў, які быў першым сакратаром ЦК Камуністычнай партыі Казахстану, у 2011 годзе пераабраны на чацьвёрты прэзыдэнцкі тэрмін. У красавіку ён абвясьціў, што стартуе ў датэрміновых выбарах кіраўніка краіны, якія прызначаныя на канец красавіка 2015 году.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG