Сойм Літвы ў чацьвер тэрмінова прыняў законапраект аб вяртаньні прызыву ў войска, паведамляе агенцтва DELFI.
Міністар абароны Літвы Юозас Алекас, выступаючы ў парлямэнце, адзначыў, што рашэньне зьвязана са зьменай геапалітычнай сытуацыі, у першую чаргу, з падзеямі ва Ўкраіне.
Праект закону аб вяртаньні прызыву быў падтрыманы усімі фракцыямі Сэйму практычна аднагалосна. Рашэньне аб вяртаньні абавязковай ваеннай службы ў Літве будзе дзейнічаць на працягу пяці гадоў. Прызыву падлягаюць мужчыны ва ўзросьце ад 19 да 26 гадоў. Тэрмін службы складзе 9 месяцаў. Першы прызыў плянуецца правесьці ў верасьні 2015 году.
Абавязковая ваенная служба ў Літве была адмененая ў 2008 годзе.
Размовы пра аднаўленьне абавязковай вайсковай службы вядуцца таксама ў Польшчы, дзе прызыў быў адменены ў 2008 годзе. У Польшчы таксама сёлета аднавілі рэгулярныя зборы рэзэрвістаў да 50-гадовага ўзросту.
Зялёны: Няма узброеных сілаў. Сіні: Няма абавязковай вайсковай службы. Памаранчовы: Ваенную абавязак плануецца скасаваць у бліжэйшыя тры гады. Чырвоны: Ёсць абавязковая вайсковая служба.
