Сёньня Радзе нацыянальнай бясьпекі і абароны Ўкраіны будзе прапанавана абмеркаваць пытаньне запрашэньня ва Ўкраіну міратворчай місіі Арганізацыі аб’яднаных нацый.
Пра гэта заявіў прэзыдэнт Украіны Пятро Парашэнка падчас паседжаньня Рады нацыянальнай бясьпекі і абароны ў сераду ўвечары.
«Сёньня вам будзе прапанавана абмеркаваць пытаньне запрашэньня ва Ўкраіну міратворчай місіі Арганізацыі Аб’яднаных Нацый, якая будзе дзейнічаць у адпаведнасьці з мандатам Рады бясьпекі ААН», — сказаў ён.
Акрамя гэтага, сёньня Парашэнка прапанаваў стварыць ваенны кабінет пры РНБА.
