Новае фота кожны дзень, увесь год. Прысылайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015. Пажадана дасылаць фота ў прапорцыі 9 на 16. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.
Афіша
Менск. У Эканамічным судзе Менску працягнуцца слуханьні па справе кнігарні «ЛогвінаЎ». Пачатак у 14.30. Уваход вольны.
Менск. Рух «За Свабоду» пры падтрымцы амбасады Чэскай Рэспублікі ў Беларусі праводзіць традыцыйны вечар памяці Вацлава Гаўла — вялікага чэскага драматурга, філёзафа, дысыдэнта і дзяржаўнага дзеяча. Месца правядзеньня — пасольства Чэхіі (Музычны завулак, 1/2). Пачатак у 18.00
Менск, па 27 студзеня. У крэатыўнай прасторы ЦЭХ (пр-т Незалежнасьці, 58, корп. 6) працуе фотавыстава «Бліжэй, чым блізка», на якой прадстаўлены 13 праектаў беларускіх фатографаў, створаных імі на працягу паўгадавога адукацыйнага курсу.
У памяці:
1769 ― на загад Кацярыны Другой у Расеі ўведзеныя першыя папяровыя грошы ― асыгнацыі
1848 ― нарадзіўся Якуб Наркевіч-Ёдка, мэдык і прыродазнаўца, адзін зь першаадкрывальнікаў радыё. У сваім маёнтку ён стварыў мэтэаралягічную станцыю, вывучаў атмасфэрную электрычнасьць і прыдумаў прыладу для бяздротавага прыёму электрамагнітных сыгналаў. Наркевіч-Ёдка лячыў нэрвовыя хваробы электрычным масажам і нават адкрыў у сябе ў маёнтку санаторый.
1890 ― нарадзіўся Карэл Чапек, чэскі пісьменьнік (пам. 25.12.1938)
1897 — у Беларусі праводзіўся перапіс насельніцтва. У Менску тады жыло крыху больш за 90 тысяч чалавек, у Віцебску — 66 тысяч, у Горадні — 47, у Берасьці — 46 з паловай, у Магілёве — 43 тысячы, у Гомелі — каля 37 тысяч.
1902 ― нарадзіўся Антон Жэбрак, беларускі генэтык, прэзыдэнт АН БССР
1908 ― нарадзілася Сымона дэ Бавуар, француская пісьменьніца, філёзаф, ідэоляг фэмінісцкага руху (пам. 14.4.1986)
1921 ― памёр Павал Чайка, беларускі вайсковец, удзельнік Слуцкага збройнага чыну.
1951 ― Афіцыйна адчынены будынак штаб-кватэры ААН у Нью-Ёрку
1953 ― нарадзіўся Ўладзімір Солтан, беларускі кампазытар
1957 ― нарадзіўся прафэсар Юры Бандажэўскі, беларускі лекар і навуковец, вядомы дасьледаваньнямі ўплыву на здароўе чалавека малых доз радыяцыі.
1993 ― Будынак менскага Архікатэдральнага касьцёлу Імя Найсьвяцейшай Дзевы Марыі вернуты каталікам Менску
2009 ― памёр Аркадзь Жураўскі, беларускі мовазнавец (нар. 5.8.1924)
2010 ― памёр ксёндз Ёзас Булька, былы пробашч касьцёла Сьвятой Ганны ў Мосары Глыбоцкага раёну, шырока вядомы як прапагандыст здаровага ладу жыцьця.
Цытата:
«Калі жанчына не здаецца ― яна перамагае, калі здаецца ― дыктуе ўмовы пераможцу».
Карэл Чапэк
