23 сьнежня, у 01.40, у Марыюпалі зьдзейсьнены падрыў чыгуначнага маста праз раку Кальчык на 1260 кілямэтры чыгуначнага перагону.
Пра гэта паведамляе штаб абароны Марыюпаля.
У выніку выбуху пашкоджаная апора маста. Рух цягнікоў у раён Марыюпальскага чыгуначнага вакзалу і марскога гандлёвага порта часова спынена. Ахвяраў няма, гаворыцца ў паведамленьні, якое цытуе УНІАН.
Таксама адзначаецца, што створаны гарадзкі штаб у складзе прадстаўнікоў улады, пракуратуры, праваахоўных органаў па ліквідацыі наступстваў здарэньня і выяўленьня датычных асобаў.