Лінкі ўнівэрсальнага доступу

Пытаньне аб дэвальвацыі сёньня не стаіць, — Леанід Заіка


Кіраўнік аналітычнага цэнтру «Стратэгія» Леанід Заіка адзначае, што сёньня трэба казаць пра эканамічныя абмежаваньні на пакупку валюты, што зьвязана з розьніцай курсаў у Беларусі і Расеі.

«Увядзеньне 30% камісіі на пакупку валюты — гэта антыспэкулятыўная мера. Улічваючы, што ў Расеі тавары ў даляравым эквіваленце прыкладна ў два разы таньнейшыя, чым у Беларусі, таму для ўсіх бізнэсоўцаў, асабліва дробных, вельмі выгадна было б абменьваць беларускія рублі на даляры і ехаць у Расею купляць тэлевізары, лядоўні і гэтак далей», — кажа ён.

Пры гэтым Заіка лічыць, што насамрэч пытаньне аб дэвальвацыі для Беларусі сёньня не стаіць, бо ў цэлым краіна мае станоўчы балянс гандлю таварамі і паслугамі.

«Размовы пра дэвальвацыю былі зьвязаны з тымі, хто працуе на расейскім рынку, хто экспартуе тавары ў Расею, — гэта каля 40%. Але астатнія экспарцёры ў гэтым неабходнасьці ня маюць». — падкрэсьліў ён.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG