Сын Аляксандра Алесіна паведаміў Радыё Свабода, што Камітэт дзяржаўнай бясьпекі выставіў журналісту абвінавачаньне па артыкуле 356 «Здрада дзяржаве» і 356.1 «Выдача дзяржаўнай таямніцы замежнай дзяржаве, замежнай арганізацыі ці прадстаўніку, альбо шпіянаж».
Па гэтым артыкуле прадугледжаны тэрмін зьняволеньня ад 7 да 15 гадоў.
Разам з Алесіным абвінавачваюць дыплямата адной з краін. Аляксандар Алесін не зьяўляецца асноўным фігурантам справы.
Аляксандар Алесін быў затрыманы 26 ці 27 лістапада — КДБ дакладнага дня не паведамляе.
