Падзеі дня:
Горадня — вечар «Каляды з беларускай паэзіяй». Заля Яна Паўла Другога, вул. Парыскай камуны, 1. Пачатак а 18-ай.
Баранавічы — юбілейны канцэрт «ХХ год N.R.M». Клюб «Шакалад», пачатак а 18-ай.
Малдова — выбары ў парлямэнт.
Гэты дзень у гісторыі:
1939 — пачалася савецка-фінская вайна 1939-1940 гадоў.
1952 — заснаваны Дзяржаўны акадэмічны хор Беларусі імя Цітовіча.
1979 — выпушчаны «The Wall», апошні альбом брытанскага гурту «Pink Floyd» у клясычным складзе: Дэйвід Гілмар, Роджэр Уотэрз, Рычард Райт, Нікалас Мэйсан.
1988 — СССР спыніў глушэньне Радыё Свабода.
1993 — урочышчу Курапаты быў нададзены статус гісторыка-культурнай каштоўнасьці першай катэгорыі.
У гэты дзень нарадзіліся:
1835 — Марк Твэн, амэрыканскі пісьменьнік.
1874 — Уінстан Чэрчыль, брытанскі прэм’ер-міністар і пісьменьнік.
1899 — Міхась Лынькоў, беларускі пісьменьнік. Акрамя літаратурнай, мае багатую вайсковую біяграфію. Лынькоў удзельнічаў у савецка-польскай вайне, у разгроме атрадаў Булак-Балаховіча, быў удзельнікам паходу Чырвонай Арміі ў Заходнюю Беларусь.
1952 — заснаваны Дзяржаўны акадэмічны хор імя Цітовіча.
1971 — Андрэй Кудзіненка, беларускі і расейскі кінарэжысэр.
У гэты дзень памерлі:
1900 — Оскар Ўайльд, ангельскі пісьменьнік.
«Што тычыцца сучаснай літаратуры, то я зусім не зьбіраюся яе абараняць. Яна апраўдвае сваё існаваньне вялікім законам Дарвіна пра выжываньне больш вульгарных».
Оскар Ўайльд.
1962 — Макс Фасмэр, нямецкі філёляг-славіст.