Калі ў верасьні 1939 году нямецкія самалёты бамбавалі заходнебеларускія гарады, іх вылеты карэктаваліся з савецкага Менску. У выніку ў Берасьці, Баранавічах, Лідзе, Ганцавічах, Кобрыне загінулі тысячы мірных жыхароў. Гэткая праўда пра тую вайну ніяк не спалучалася з распрапагандаваным савецкімі СМІ вызваленчым паходам Чырвонай арміі ў Заходнюю Беларусь. Малавядомым старонкам тагачаснага нямецка-савецкага ваеннага супрацоўніцтва прысьвечаная кніга “1939 год і Беларусь: забытая вайна”, што пабачыла сьвет у выдавецтве “Галіяфы”. Госьцем перадачы – аўтар кнігі гісторык Анатоль Трафімчык.
Катэгорыі
- Мультымэдыя
- Відэа
