ПАДЗЕІ ДНЯ
У Авальнай зале Дома ўраду адбудзецца пасяджэньне Палаты прадстаўнікоў Нацыянальнага сходу Рэспублікі Беларусь. Пачатак у 10.00.
У рамках «Месяца фатаграфіі ў Менску» ў прасторы ЦЭХ адбудзецца паказ мультымэдыйных праектаў «СпэцРУЛЕТ». Мерапрыемства падрыхтавана супольна з сусьветна вядомым фотаагенцтвам Panos Pictures. Пачатак у 19.00.
У 18.00 у кінаклюбе Blow up Цэнтру сучасных мастацтваў адбудзецца мультымэдыя-прэзэнтацыя праекту Vulica Brazil і творчая сустрэча з бразыльскімі мастакамі Вальтэрам Цінью Намура з Сан-Паўлу, Рожэрам Фэрнандэсам з Бэлу-Арызонці.
У Вялікай зале Белдзяржфілярмоніі — Джазавыя вечары ў філярмоніі: Трыё Артура Дуткевіча (Польшча) з праграмай «Прана». Пачатак у 19.00.
У менскім клюбе Re: Public — канцэрт групы Flеur з новым альбомам. Пачатак у 19.00.
ТАКСАМА Ў ГЭТЫ ДЗЕНЬ
У сьвеце адзначаецца Міжнародны дзень заікаў
ДЗЕНЬ У ГІСТОРЫІ
1721 — Расея аб’яўленая імпэрыяй, Пётр І стаў імпэратарам.
1947 — Індыя і Пакістан пачалі вайну за Кашмір.
1975 — У Менску заснаваны піўзавод «Крыніца».
1988 — У Вільні пачаўся ўстаноўчы зьезд Літоўскага руху за перабудову («Саюдзіс»)
У гэты дзень нарадзіліся:
1811 — Фэрэнц Ліст, вугорскі кампазытар і піяніст.
1844 — Сара Бэрнар, француская актрыса.
1870 — Іван Бунін, расейскі пісьменьнік.
1919 — Раіса Жук-Грышкевіч, актыўная дзяячка беларускай эміграцыі.
1922 — Леў Яшын, савецкі футбаліст.
1933 — Ігар Дабралюбаў, беларускі рэжысэр, сцэнарыст (памёр у 2010). Аўтар фільмаў «Па сакрэту ўсяму сьвету», «Расклад на пасьлязаўтра», «Дзіўныя прыгоды Дзяніса Караблёва», «Белыя росы» ды іншых.
У гэты дзень памерлі:
1883 — Майн Рыд, ірляндзскі і амэрыканскі пісьменьнік.
1937 — Лукаш Калюга, беларускі пісьменьнік.
2010 — Павал Лойка, беларускі гісторык.
З КАЛЕНДАРА БАХАРЭВІЧА
22 кастрычніка 1944 у Менску адкрыўся музэй Вялікай айчыннай вайны