Лінкі ўнівэрсальнага доступу

Чэмпіёну-паралімпійцу Пісторыюсу далі 5 гадоў турмы


Оскар Пісторыюс (Oscar Pistorius)
Оскар Пісторыюс (Oscar Pistorius)

Паўднёваафрыканскі суд асудзіў чэмпіёна Паралімпійскіх гульняў Оскара Пісторыюса, прызнанага вінаватым у ненаўмысным забойстве сваёй сяброўкі Рывы Стэнкамп, на пяць гадоў зьняволеньня.

Стэнкамп была забітая ў доме Пісторыюса ў Прэторыі ў лютым 2013 году. Пісторыюс казаў, што забіў яе памылкова, прыняўшы за рабаўніка.

У верасьні сёлета суд прызнаў Пісторыюса вінаватым у ненаўмысным забойстве і адпусьціў пад заклад да вынясеньня прысуду. Пракурор прасіў прызначыць паўднёваафрыканскаму лёгкаатлету пакараньне ў выглядзе пазбаўленьня волі як мінімум на 10 гадоў. Абарона на працэсе Пісторыюса папрасіла прызначыць для яго пакараньне ў выглядзе грамадзкіх працаў на тры гады.

Оскар Пісторыюс, у якога ампутаваныя абедзьве нагі ніжэй каленяў, на Паралімпійскіх гульнях у Атэнах у 2004 годзе заваяваў бронзавы мэдаль на дыстанцыі 100 мэтраў і залаты на дыстанцыі 200 м.

Оскар Пісторыюс падчас забегу на 400 мэтраў на Алімпіядзе 2012 году
Оскар Пісторыюс падчас забегу на 400 мэтраў на Алімпіядзе 2012 году

На чэмпіянаце сьвету 2006 году сярод асобаў з абмежаванымі магчымасьцямі ён перамог адразу на трох дыстанцыях — 100, 200 і 400 м. Але па-сапраўднаму Пісторыюс стаў вядомы, калі пачаў спаборнічаць са звычайнымі бегунамі. Пісторыюс бегае на адмысловых спружыністых пратэзах, выкарыстаньне якіх выклікала ў мінулым пярэчаньні некаторых адмыслоўцаў, якія сьцьвярджалі, што такія пратэзы даюць Пісторыюсу значныя перавагі перад звычайнымі бегунамі. Спартовы арбітражны суд пастанавіў, аднак, што Оскар Пісторыюс можа ўдзельнічаць у звычайных спаборніцтвах.

Оскар Пісторыюс пасьля вынясенья прысуду
Оскар Пісторыюс пасьля вынясенья прысуду

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG