Курсы «Мова нанова дзеткам» распачнуцца 5 кастрычніка ў Галерэі Ў (пр-т Незалежнасьці, 37а, мэтро Плошча Перамогі). Пачатак 11.00, працягласьць — адна гадзіна.
Менск. У бары «ДК» (Талбухіна, 4) — фэстываль «Дзень беларускай вышыванкі».
Менск. У межах «Месяца фатаграфii ў Менску» у творчай прасторы ЦЭХ адбудзецца лекцыя Мацэка Набрдаліка Comfort zone is a bad place to be in (Зона камфорту — дрэннае месца). Пачатак а 17-ай.
ГЭТЫ ДЗЕНЬ У ГІСТОРЫІ
1733 — Саксонскі курфюрст Фрыдрых Аўгуст II Вэцін абраны каралём польскім і вялікім князем літоўскім.
1793 — Дэкрэтам Нацыянальнага канвэнту ўведзены Францускі рэспубліканскі каляндар.
1921 — у Лёндане быў заснаваны Міжнародны ПЭН-клюб.
1939 — канец ваеннай кампаніі ў Польшчы. Польскі генэрал Францішак Клебэрг, які ў раёне Коцка вёў баі зь немцамі і чырвонаармейцамі, з-за недахопу прадуктаў харчаваньня і боепрыпасаў, капітуляваў перад немцамі.
У гэты дзень нарадзіліся:
1713 — Дэні Дыдро, францускі пісьменьнік і філёзаф. Імя Дыдро назаўжды зьлілося з самай сутнасьцю васямнаццатага стагодзьдзя, якое засталося ў памяці чалавецтва як стагодзьдзе францускае. Перадавыя ідэі Францыі захапілі тады ўвесь сьвет, і Дыдро — знак яе духоўнай моцы. Рэвалюцыянэр у мастацтве і філязофіі, ён заклаў падмурак новых грамадзкіх ідэалаў і новага сьветапогляду напярэдадні буржуазнай рэвалюцыі, чым і заслужыў удзячнасьць ня толькі сучасьнікаў, але і наступных пакаленьняў.
1936 — Вацлаў Гавэл, драматург, апошні прэзыдэнт Чэхаславакіі й першы прэзыдэнт сучаснай Чэскай Рэспублікі.
«Той, хто ставіцца да сябе занадта сур’ёзна, пастаянна падвяргае сябе рызыцы выглядаць сьмешным; той жа, хто здольны пастаянна сьмяяцца над сабой, ніколі сьмешным ці не здаецца»
Вацлаў Гавал
У гэты дзень памерлі:
1937 — Лукаш Калюга, беларускі пісьменьнік.
1938 — Ян Цеханоўскі, нацыянальны дзяяч Заходняй Беларусі, пэдагог, дырэктар Наваградзкай беларускай гімназіі.
Каляндар Бахарэвіча: 5 лістапада 1930 Сынклер Льюіс зьдзекуецца з швэдзкага журналіста, які паведамляе пісьменьніку пра ўзнагароджаньне Нобэлеўскай прэміяй
