У Нью-Ёрку ўпершыню пройдзе Беларуска-амэрыканскі інвэстыцыйны форум. Беларускую дэлегацыю ўзначаліць прэм’ер-міністар Міхаіл Мясьніковіч.
Пачынаецца візыт у Беларусь дэлегацыі Рады дырэктараў Эўрапейскага банку рэканструкцыі і разьвіцьця. У рамках візыту прадстаўнікі ЭБРР наведаюць Смаргонь, Фаніпаль, Баранавічы.
У Менску ў Літартурным музэі Петруся Броўкі адкрываецца выстава Saving memory — you save yourself («Захоўваючы памяць — захоўваеш сябе»), прысьвечаная Сусьветнаму дню барацьбы з хваробай Альцгаймэра. Пачатак а 18-й гадзіне.
Сусьветны дзень без аўтамабіля.
Гэты дзень у гісторыі:
1862 — прэзыдэнт ЗША Аўраам Лінкальн абвясьціў пра свабоду чарнаскурых нявольнікаў.
«Я не хацеў бы быць рабом, і не хацеў бы быць рабаўладальнікам. У гэтым маё разуменьне дэмакратыі».
Аўраам Лінкальн
1888 — выйшаў першы нумар часопіса National Geographic Magazine.
1869 — у Мюнхэне адбылася прэм’ера опэры Рыхарда Вагнэра «Золата Рэйну», якая зьяўляецца пралёгам да ягонага опэрнага цыклю «Кальцо Нібэлюнгаў».
1919 — Цэнтральная беларуская рада Віленшчыны і Гарадзеншчыны арганізавала ў Вільні настаўніцкія курсы для падрыхтоўкі настаўнікаў беларускіх школаў.
1939 — адбыўся супольны парад нямецкага і савецкага войскаў у Берасьці.
1943 — у Менску забіты Вільгэльм Кубэ, кіраўнік акупацыйнай адміністрацыі Генэральнай акругі «Беларусь» .
1949 — СССР правёў першае выпрабаваньне ядзернай зброі.
У гэты дзень нарадзіліся:
1791 — Майкл Фарадэй, ангельскі фізык і хімік.
1903 — Хвядос Шынклер, беларускі пісьменьнік.
1925 — Алесь Траяноўскі, беларускі пісьменьнік, перакладчык, крытык, публіцыст.
1938 — Дын Рыд, амэрыканскі актор і сьпявак, быў папулярным у былым СССР і іншых краінах гэтак званага сацыялістычнага лягеру.
1957 — Нік Кэйв, аўстралійскі рок-музыка, паэт, пісьменьнік, аўтар музыкі да фільмаў, сцэнарыст.
1976 — Ранальда, бразыльскі футбаліст.
У гэты дзень памерлі:
1774 — Клімэнт XIV, Папа Рымскі. 1850 — Францішак Дзеружынскі, беларускі рэлігійны дзеяч, адзін з пачынальнікаў адукацыйнай сыстэмы каталіцкай царквы ў ЗША.
1975 — Павел Крынчык, беларускі палітычны дзеяч міжваеннага часу, дэпутат сойму Другой Рэчы Паспалітай.
1999 — Уладзімер Куляшоў, беларускі актор, народны артыст Беларусі
2007 — Марсэль Марсо, францускі актор-мім
З Календара Бахарэвіча: