Лінкі ўнівэрсальнага доступу

Менскі саміт: Пра мір пакуль не дамовіліся

Пасьля вячэры Аляксандар Лукашэнка паведаміў, што палітычнай дамоўленасьці дасягнуць не ўдалося, бо "сытуацыя ва Ўкраіна зайшла занадта далёка".

21:36 26.8.2014

Пачалася сустрэча Парашэнкі і Пуціна

У Менску пачалася двухбаковая сустрэча прэзыдэнтаў Украіны і Расеі Пятра Парашэнкі і Ўладзіміра Пуціна.

Пра гэта паведамляе адміністрацыя ўкраінскага прэзыдэнта на сваёй старонцы ў Твітэры.

Як паведаміла ў сацсетцы упаўнаважаная прэзыдэнта па мірным урэгуляваньні канфлікту ў Данецкай і Луганскай абласьцях Ірына Герашчанка, перамовы ў фармаце ЭЗ-Украіна-"Эўразійская тройка" за зачыненымі дзьвярыма доўжыліся амаль 4 гадзіны. затым прэзыдэнты 4 краін і кіраўніцтва ЭЗ працягнулі гутарку без дэлегацый.

Раней у СМІ зьявілася інфармацыя пра тое, што наступны раўнд перамоваў паміж украінскім і расейскім прэзыдэнтамі адбудзецца 28 жніўня ў Анкары.

21:18 26.8.2014

Вынікі перамоваў Лукашэнка агучыў у трох пунктах:

1. Што тычыцца мірнага ўрэгуляваньня, удзельнікі падтрымалі прапанову Пятра Парашэнкi зрабіць Мeнск рэгулярнай пляцоўкай для такіх перамоваў. Пятро Парашэнка настойвае, каб новая сустрэча адбылася ўжо заўтра.

2. У галіне гандлёва-эканамічных стасункаў. Працоўнай групе Украіна-ЭЗ даручана да 12 верасьня “зьняць заклапочанасьць” Мытнага зьвязу ў дачыненьні да падпісаньня Ўкраінай пагадненьня з ЭЗ. Уладзімір Пуцін настойвае, каб перамовы Ўкраіны з Мытным зьвязам вяліся да ратыфікацыі Ўкраінай пагадненьня з ЭЗ. Па меркаваньні Пуціна, пасьля ратыфікацыі перамовы Ўкраіны з Расеяй і Мытным зьвязам пра эканамічнае супрацоўніцтва зьяўляюцца бессэнсоўнымі.

3. Прэзыдэнты Расеі і Ўкраіны дамовіліся пра двухбаковую сустрэчу “сам-насам”. Калі адбудзецца сустрэча – не паведамляецца.

21:06 26.8.2014

На выніковую прэсавую канфэрэнцыю Лукашэнка выйшаў адзін. Такое было рашэньне ўсіх удзельнікаў перамоваў – паведаміў кіраўнік Беларусі. “На жаль, сытуацыя ва Ўкраіне зайшла настолькі далёка, што аніякія дамоўленасьці на палітычным узроўні не прывядуць да вырашэньня”, - адзначае Лукашэнка.

Аляксандр Лукашэнка зачытвае рутынную прамову, якая падсумоўвае вынікі саміту і паўтарае выказваньні яго ўдзельнікаў. Агульны пасыл прамовы: перамовы не далі нікага выніку.

21:04 26.8.2014

Украінскія мэдыі: Перамовы Пуціна і Парашэнкі не адбудуцца

Сустрэча прэзыдэнта Расеі Ўладзімера Пуціна і прэзыдэнта Ўкраіны Пятра Парашэнкі ў Менску адмененая, паведамляе ўкраінскі тэлеканал 1 + 1.

19:16 26.8.2014

18:49 26.8.2014

Парашэнка і Пуцін маюць правесьці двухбаковую сустрэчу, — паведамляе прэс-служба беларускага прэзыдэнта. Такую інфармацыю распаўсюдзілі ў прэс-цэнтры для журналістаў, якія асьвятляюць саміт у Менску.

Прэзыдэнт Казахстану Нурсултан Назарбаеў будзе мець сустрэчу з Кэтрын Эштан.

Цяпер, пасьля перамоваў у закрытым фармаце, ідзе абед. Потым адбудуцца заплянаваныя двухбаковыя сустрэчы. Выніковая прэс-канфэрэнцыя чакаецца каля 21 гадзіны.

18:40 26.8.2014

Сустрэча прэзыдэнта Парашэнкі, лідэраў краін Мытнага саюзу і Эўракамісіі працягваецца больш за 3 гадзіны. Перамовы праходзяць за зачыненымі дзьвярыма, перадае РИА Новости.

17:45 26.8.2014

Пуцін і Парашэнка — пра шкоду ад асацыяцыі Ўкраіны з ЭЗ

Прэзыдэнт Расеі Ўладзімір Пуцін заявіў, што сукупная шкода расейскай эканоміцы ад рэалізацыі пагадненьня аб асацыяцыі Ўкраіны з ЭЗ можа скласьці больш за 100 млрд расейскіх рублёў.

17:11 26.8.2014

Пуцін і Парашэнка «за кілямэтар адзін ад аднаго» пад час перамоваў — піша журналістка АФП Марыя Антонава

17:05 26.8.2014

Твіт Пятра Парашэнкі пад час перамоў

16:52 26.8.2014

Журналістаў на менскім саміце пакінулі бязь відэатрансьляцыі

Каля 100 акрэдытаваных на менскі саміт журналістаў сабралі ў так званым «зьнешнім прэс-цэнтры» — не ў самім Палацы незалежнасьці, а ў будынку павільёна «Белэкспа».

16:27 26.8.2014

Пуцін: Празь Беларусь ідзе забаронены рээкспарт тавараў з ЭЗ

«Нават у рамках Мытнага саюзу ўжо ідзе забаронены сёньня да ўвозу на тэрыторыю Расейскай Фэдэрацыі тавар з краін ЭЗ. У дадзеным выпадку, на жаль, празь Беларусь», — заявіў прэзыдэнт РФ Уладзімер Пуцін падчас сустрэчы кіраўнікоў краін Мытнага саюзу з прэзыдэнтам Украіны Пятром Парашэнкам у прысутнасьці прадстаўнікоў ЭЗ.

16:17 26.8.2014
Удзельнікі сустрэчы ў Менску пазуюць перад фатографамі
пачакайце

No media source currently available

0:00 0:01:23 0:00

15:53 26.8.2014

Далей перамовы ў фармаце 4+1 працягваюцца ў закрытым рэжыме

15:52 26.8.2014

Парашэнка заявіў, што падпісаньне Ўкраінай дамовы з ЭЗ будзе ўлічвае жаданьне краіны працягваць гандлёвыя стасункі з краінамі Мытнага зьвязу.

15:49 26.8.2014

Парашэнка просіць падтрымаць ягоны мірны плян

Прэзыдэнт Украіны Пятро Парашэнка заклікае ўдзельнікаў саміту падпісаць ягоны плян па ўрэгуляваньню сытуацыі ў Данбасе — перадае з Палаца незалежнасьці журналістка АР Натальля Васільева.

"Усе бакі зацікаўленыя выйсьці з канфлікту і захаваць твар. Я хачу абмеракаваць стратэгіі выхаду з канфлікту",— заявіў Парашэнка.

15:45 26.8.2014

Парашэнка: «Лёс Украіны вырашаецца тут, у Менску».

15:44 26.8.2014

Пуцін папярэджвае Ўкраіну пра адмену прэфэрэнцыі ў гандлі

У выпадку падпісаньня Ўкраінай пагадненьня з Эўразьвязам, Расея адменіць прэфэрэнцыі для ўкраінскага імпарту і ўвядзе стандартны рэжым гандлю. «Гэтыя захады будуць абараняць эканоміку Расеі», — сьцьвярджае Пуцін.

15:38 26.8.2014

Па дарозе на перамовы

15:35 26.8.2014

Пуцін палохае Ўкраіну

Уладзімер Пуцін заявіў, што Ўкраіна наўрад ці зможа эфэктыўна ўзаемадзейнічаць з краінамі Мытнага зьвязу, калі падпіша асацыяцыю зь Эўразьвязам:

«На наш погляд, было б мэтазгодна ня толькі захаваць, але і значна нарасьціць узаемадзеяньне (паміж Украінай і МЗ)... Аднак узьнікае пытаньне, ці можна ўсяго гэтага дасягнуць, калі рэальна запрацуе Пагадненьне аб асацыяцыі Ўкраіны з Эўразьвязам».

Загрузіць яшчэ

XS
SM
MD
LG