Беларусь і Ўкраіна: гандлёвы канфлікт вычарпаны (2)

Гандлёвы канфлікт паміж Беларусьсю і Ўкраінай вычарпаны, заявіў дырэктар дэпартамэнту зьнешнеэканамічнай дзейнасьці МЗС Беларусі Ігар Назарук. Ад 19 жніўня абедзьве краіны скасавалі ўсе абмежаваньні ва ўзаемным гандлі. Жыхарка Смалявіцкага раёну трапіла ў шпіталь пасьля таго, як яе зьбілі нібыта за тое, што яна зьняла на тэлефон, як мясцовыя начальнікі крадуць з поля капусту. У Сьледчым камітэце абяцаюць праверыць гэты факт. У Магілёве мясцовая суполка Аб’яднанай грамадзянскай партыі стварыла Цэнтар прыхільнікаў пераменаў. Сярод іншага цэнтар будзе прымаць беларускіх творцаў, якія ў Беларусі пазбаўленыя магчымасьці публічна сустракацца зь людзьмі. Першым госьцем цэнтру стаў кінарэжысэр Юры Хашчавацкі, які паказаў магілёўцам адну з сваіх апошніх стужак – фільм «Лабатамія». Рэжысэр Віктар Асьлюк зьняў на «Беларусьфільме» мастацкі фільм «Рускі» паводле аднайменнага апавяданьня Максіма Гарэцкага. Стужку пакажуць на Міжнародным кінафэстывалі кароткамэтражных фільмаў у горадзе Драма ў Грэцыі. Ад мінулага месяца сьпіс краінаў, якія беларусы могуць наведваць бязь візы і запрашэньня, папоўніла Манголія – прагучыць рэпартаж адтуль нашага карэспандэнта. Тэлефануйце ў жывы эфір: +375 29 6514204 (Вэлком), або ў любы час на аўтаадказьнік у Менску +375 172 663952. Адрас нашага аўтаадказьніка ў SKYPE: svabodaradio.