Сто гадоў таму назад расейскі імпэратар Мікалай ІІ абвясьціў вайну Германскай імпэрыі. У выніку загінула больш за 700 тысячаў падданых Мікалая, а ягоная дзяржава зьнікла з мапы сьвету. Праз 98 гадоў у мястэчку Крайск каля царквы, асьвячанай у гонар апошняга цара мясцовым сьвятаром, быў пастаўлены бюст Мікалаю Раманаву. Ці прынялі гэты помнік местачкоўцы? Што рухала сьвятаром? У чым галоўная бяда Крайску? Пра гэта - у чарговай перадачы з сэрыі "Падарожжы Свабоды", мы едзем на Лагойшчыну ў Крайск.