Уладзімер Пуцін прыбыў у Менск. Разам з Аляксандрам Лукашэнкам яны адкрываюць новы музэй гісторыі Вялікай Айчыннай вайны. Перамовы закрануць новыя рэаліі і новую вайну: інтэграцыя, крэдыты, пазыцыя па Ўкраіне. Напярэдадні, пасьля 20 гадовага перапынку, кіраўнік Беларусі публічна выступіў па-беларуску. «Не іранізуйце», раіць Аляксандар Фядута, аўтар першай беларускай прамовы Лукашэнкі. Украінскае войска не ваюе з цывільным насельніцтвам. Пра хаду антытэрарыстычнай апэрацыі на ўсходзе Ўкраіны расказвае генэрал-маёр Аляксандр Размазьнін. Прафэсар Алесь Астроўскі, адзіны выкладчык гарадзенскага мэдунівэрсытэту, які дагэтуль чытаў лекцыі па-беларуску, цяпер шукае працу. У інтэрвію Свабодзе прафэсар адкажа на пытаньні аб прычынах звальненьня, студэнтаў, дзяцей і рыбак. Тэлефануйце ў жывы эфір: +375 29 6514204 (Вэлком), або ў любы час на аўтаадказьнік у Менску +375 172 663952. Адрас нашага аўтаадказьніка ў SKYPE: svabodaradio.
Катэгорыі
- Мультымэдыя
- Відэа
