21 лютага ў сьвеце адзначаецца Дзень роднай мовы. Ці лёгка пісьменьніку пачаць пісаць на мове чужой? Госьцем перадачы будзе паэтка і эсэістка Марына Наталіч. Яна — карэнная расейка, нарадзілася на Далёкім Усходзе. Пераехаўшы ў Беларусь, доўгі час працавала ў выдавецтве «Мастацкая літаратура». Выдала восем зборнікаў паэзіі й прозы па-расейску. А нядаўна ў выдавецтве «Беларускі кнігазбор» пабачыла сьвет яе першая беларускамоўная кніга «Палыновая зорка».