Чаму на гэтых Гульнях такая нешматлікая каманда Беларусі? Чаму гэтым разам высокае начальства не вымагае ад яе заваёвы абавязковай колькасьці мэдалёў? У якіх дысцыплінах беларусы маюць найбольшыя шанцы перамагчы? Хто можа заваяваць алімпійскія мэдалі? Чаму беларускія фрыстайлісты і біятляністкі, якія ня маюць на радзіме сучасных трэніровачных базаў, знаходзяцца сярод прэтэндэнтаў на алімпійскія ўзнагароды, а хакеісты, для якіх пабудавана шмат лядовых палацаў, нават ня трапілі на Гульні? У чым прычына нікчэмных вынікаў мужчынскай зборнай Беларусі ў біятлёне? Чаму няма прагрэсу ў лыжным спорце? Якая краіна пераможа ў Сочы ў агульнакамандным заліку? І на колькі алімпійскіх узнагародаў могуць разьлічваць самыя спартовыя каманды сьвету? Сваімі прагнозамі дзеляцца спартовыя аглядальнікі Аляксандар Пуціла (тэлеканал «Белсат») і Ігар Карней (Радыё Свабода). Вядзе перадачу Вячаслаў Ракіцкі.
Катэгорыі
- Мультымэдыя
- Відэа
