Чаму менчукоў лічаць найбольш спрытнымі сярод эмігрантаў у ЗША?

Пра гэта пагаворым з ураджэнкай Менску Марынай Львовай, кіраўніцай International School of Advanced Learning у Бостане. Параўнаем адукацыйныя сыстэмы Беларусі і ЗША, а таксама пагутарым пра тое, як інтэгруюцца ў амэрыканскае грамадзтва выхадцы зь Беларусі, якія перавагі яны маюць і чаго ім бракуе. Зьніжэньне заробкаў – гэта не прагноз, а рэальнасьць гэтага году, канстатуе эканаміст Леанід Злотнікаў у Бліц-аналізе. Рэпартаж з суду ў справе «Экамэдсэрсісу». Чым акрамя візыту Біла Клінтана ў Беларусь быў адметны гэты дзень 15 студзеня 20 гадоў таму? 20 гадоў таму ў гэты дзень быў надрукаваны артыкул Зянона Пазьняка «Аб расейскім імпэрыялізьме». Ці гатовае было грамадзтва ўспрыняць яго тэзісы – пагутарым з колішнім дэпутатам Вярхоўнага Савету Сяргеем Навумчыкам. Тэлефануйце ў жывы эфір на вэлкомаўскі нумар 651 42 04, або ў любы час на аўтаадказьнік у Менску 266 39 52.