Бураўкін: Алексіевіч ніколі не была ворагам беларускай мовы

27 лістапада ў Музэі гісторыі Беларусі незалежны Саюз беларускіх пісьменьнікаў прэзэнтаваў паэтычна-фальклёрны каляндар пад назвай “Першапачатак”. Для яго ў ролі мітычных пэрсанажаў сфатаграфаваліся вядомыя беларускія паэты. Рыгор Барадулін – у вобразе Дамавіка, Анатоль Вярцінскі пераўвасобіўся ў Жыценя, Уладзімер Арлоў увасобіў бога агню Жыжаля. Сярод удзельнікаў праекту і аўтар знакамітай “Калыханкі” Генадзь Бураўкін, які стаў казачнікам Баем. Пра свой удзел у гэтым праекце паэт раскажа ў перадачы, якую вядзе Міхась Скобла.