З усіх выдатных дзеячаў беларускай гісторыі Кастусь Каліноўскі, здавалася б, адна з самых непахісных постацяў. Правадыр нацыянальна-вызвольнага паўстаньня, выдавец першай беларускамоўнай газеты “Мужыцкая праўда”, ён і загінуў па-геройску на царскай шыбеніцы… Аднак, для сёньняшняй афіцыйнай гістарыяграфіі Каліноўскі аніяк не нацыянальны герой, пра што можна прачытаць у найноўшых падручніках па гісторыі Беларусі. З гэтай нагоды Беларускае гістарычнае таварыства зладзіла міжнародную навуковую канфэрэнцыю “Кастусь Каліноўскі і яго эпоха”, якая прайшла ў Менску 25 верасьня. Пасьля яе заканчэньня Міхась Скобла сустрэўся са старшынём таварыства Алесем Краўцэвічам.
Катэгорыі
- Мультымэдыя
- Відэа
