Чаму ўлады вырашылі жорстка разагнаць фармальна бяскрыўдную акцыю "маўклівага пратэсту"? Ці гатовыя удзельнікі такіх акцыяў да прэсінгу уладаў? Ці можна сказаць. што для большасьці ўдзельнікаў гэтых флэш-мобаў – гэта пакуль гульня, забава, ці яны разумеюць, што ўступаюць на шлях палітычнай барацьбы? На гэтыя пытаньні ў перадачы Экспэртыза Свабоды адказваюць палітычны аглядальнік газэты "Белорусы і рынок" Паўлюк Быкоўскі і моладзевы лідэр, арганізатар праекту Pashtouka.org Андрэй Кім. Вядзе перадачу Віталь Цыганкоў.