У "Экспэртызе "Свабоды" перадача на тэму “Якія тэндэнцыі выявіліся пры фармаваньне выбарчых камісій?” Заканчылася фармаваньне тэрытарыяльных выбарчых камісій. Ці стала больш лібэральной працэдура іх фармаваньня? Ці шмат прадстаўнікоў дэмакратычных сілаў трапілі у камісіі? Якія прагнозы можна зрабіць наконт хады выбарчай кампаніі? Гэтыя пытаньні абмяркоўваюць за круглым сталом "Экспэртызы "Свабоды” сябра Рады праваабарончага цэнтру “Вясна” Тацьцяна Рэвяка зь Менску і старшыня Гарадзенскай абласной арганізацыі Аб’яднанай грамадзянскай партыі Юрый Істомін з Горадні. Вядзе перадачу Валер Карбалевіч.