Лінкі ўнівэрсальнага доступу

«Вялікая сямёрка» тлумачыць сваю палітыку адносна Расеі і Ўкраіны


Архіўнае фота. 5 чэрвеня 2014 г.
Архіўнае фота. 5 чэрвеня 2014 г.

Кіраўнікі краінаў «вялікай сямёркі» сёньня выступілі з супольнай заявай пра іх узгодненую палітыку адносна Расеі і Ўкраіны. У заяве сьцьвярджаецца, што ў залежнасьці ад паводзінаў Расеі, санкцыі могуць быць зьнятыя або ўзмоцненыя.

«Мы, лідэры Канады, Францыі, Нямеччыны, Італіі, Японіі, Вялікабрытаніі, ЗША, прэзыдэнт Эўрапейскай Рады і прэзыдэнт Эўрапейскай камісіі, аб’ядналіся, каб выказаць нашу глыбокую заклапочанасьць працягам дзеяньняў Расеі па падрыве сувэрэнітэту, тэрытарыяльнай цэласнасьці і незалежнасьці Ўкраіны. Мы чарговы раз асуджаем незаконную анэксію Расеяй Крыму і дзеяньні па дэстабілізацыі ўсходняй Украіны. Яны зьяўляюцца непрымальнымі і парушаюць міжнароднае права.

Мы асуджаем зьнішчэньне малайзійскага самалёту, якое прывяло да гібелі 298 мірных людзей. Мы патрабуем хутчэйшага, поўнага, бесперашкоднага і празрыстага міжнароднага расьследаваньня. Мы заклікаем ўсе бакі стварыць, падтрымліваць і цалкам забясьпечыць спыненьне агню вакол месца катастрофы, як гэтага патрабуе рэзалюцыя 2166 Рады Бясьпекі ААН, каб сьледчыя змаглі пачаць сваю працу, знайсьці астанкі ўсіх ахвяраў і іх асабістыя рэчы. Гэта жудаснае падзея павінна стаць пераломнай у гэтым канфлікце з тым, каб Расея спыніла сваю падтрымку незаконных узброеных фармаваньняў ва Ўкраіне, забясьпечыла бясьпеку мяжы з Украінай і спыніла паток зброі, абсталяваньня і ваяўнікоў праз мяжу з мэтай дасягненьня хуткай і адчувальнай дээскаляцыі.

На жаль, аднак, Расія не зьмяніла курс. На гэтым тыдні мы абвясьцілі аб дадатковых скаардынаваных санкцыях у дачыненьні да Расеі, у тым ліку, санкцыях у дачыненьні да канкрэтных кампаній, якія працуюць у ключавых сэктарах расейскай эканомікі. Мы лічым неабходным прадэманстраваць расейскаму кіраўніцтву, што яно павінна спыніць сваю падтрымку сэпаратыстаў ва Ўсходняй Украіне і ўзяць удзел у стварэньні неабходных умоў для палітычнага працэсу».

Мы заклікаем да мірнага ўрэгуляваньня крызісу ва Ўкраіне і падкрэсьліваем неабходнасьць ажыцьцяўленьня мірнага пляну прэзыдэнта Парашэнкі без далейшага прамаруджаньня. З гэтай мэтай мы заклікаем ўсе бакі да хуткага, сапраўднага і ўстойлівага спыненьня агню на аснове Бэрлінскай дэклярацыі ад 2 ліпеня з мэтай захаваньня тэрытарыяльнай цэласнасьці Ўкраіны. Мы заклікаем Расею выкарыстаць свой уплыў на сэпаратысцкія групы і забясьпечыць эфэктыўны памежны кантроль, у тым ліку, з дапамогай назіральнікаў АБСЭ. Мы падтрымліваем АБСЭ і трохбаковую кантактную групу ў якасьці цэнтральных гульцоў, здольных стварыць умовы для перамір’я.

У Расеі да гэтага часу застаецца шанец стаць на шлях дээскаляцыя, які б прывёў да зьняцьця санкцый. Аднак калі Расія ня зробіць гэтага, мы гатовыя павялічыць цану, якую яна заплаціць за свае дзеяньні".

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG