«Мы прапанавалі Беларусі вялікую колькасьць. Некалькі тысяч найменьняў камплектуючых прапанавана разгледзець беларускаму камітэту па ваеннай прамысловасьці», — сказаў Сурыкаў.
«Прапанавана іх асвоіць», — растлумачыў ён.
«І мы не выключаем, што загрузка Баранавіцкага, Аршанскага авіяцыйных заводаў павялічыцца з-за гэтага ўскладненьня (з Украінай — РИА „Новости“)», — заявіў дыплямат.
У сярэдзіне чэрвеня прэзыдэнт Украіны Пятро Парашэнка забараніў любое вайскова-тэхнічнае супрацоўніцтва з Расеяй.
Расійскія прадпрыемствы абароннай сфэры актыўна супрацоўнічалі з украінскімі вытворцамі. Апошнія выпускалі рухавікі верталётаў і газатурбінныя ўстаноўкі для караблёў.
24 ліпеня Сурыкаў таксама заявіў журналістам, што Беларусь, Расея і Казахстан пакуль не працуюць над агульным сьпісам асобаў, супраць якіх могуць быць ужытыя візавыя абмежаваньні ў якасьці адказу на палітыку Захаду ў дачыненьні да РФ.
«Тройка не прапрацоўвае» (агульны сьпіс. — Інтэрфакс), — заявіў Сурыкаў.
Амбасадар адзначыў, што гаворка ідзе пра адрасныя санкцыі, і расейскі бок цяпер працуе над сваім сьпісам.
Ня выключана, завіў ён, што такі сьпіс будзе перададзены беларускаму боку, каб перашкодзіць пранікненьню гэтых людзей на тэрыторыю РФ.
Пры гэтым Сурыкаў заўважыў: «Беларусь да канфлікту не датычная».
Ён таксама сказаў, што візавыя санкцыі «ня з опэры захаваньня правоў чалавека».
