Лінкі ўнівэрсальнага доступу

Барак Абама: Прага свабоды хвалюе сэрцы і ў Менску

абноўлена

Барак Абама і Браніслаў Камароўскі
Барак Абама і Браніслаў Камароўскі
Барак Абама лічыць неабходным арганізаваць бясьпеку ў Эўропе і аказваць падтрымку дэмакратычным рухам па ўсім сьвеце. Пра гэта прэзыдэнт ЗША заявіў, выступаючы сёньня на Замкавай плошчы ў Варшаве (Польшча), дзе ён знаходзіўся з двухдзённым візытам.

«Нашы свабодныя нацыі будуць трымацца разам, так што далейшыя расейскія правакацыі будуць азначаць толькі далейшую ізаляцыю і затраты для Расеі, — цытуе Абаму газэта The Washington Post. — Мы не дазволім цёмным мэтадам XX стагодзьдзя вызначаць XXI-е».

«Мы разам, таму што мы ведаем, што дух Варшавы, Будапэшту, Прагі і Бэрліну пашыраецца ўсюды, дзе прага свабоды хвалюе чалавечыя сэрцы — у Менску ці ў Каракасе, у Дамаску ці ў Пхеньяне», — заявіў прэзыдэнт ЗША.

Абама таксама заявіў:

«Сышлі дні імпэрыі і сфэраў уплыву. Нельга дазволіць большым дзяржавам тыраніць меншыя альбо навязваць сваю волю пад прыцэлам стрэльбы ці з дапамогай маскаваных людзей, якія захопліваюць будынкі. Росчырк асадкі ніколі ня здолее легітымізаваць крадзеж суседзкай тэрыторыі. Таму мы ня прымем расейскую акупацыю Крыму ці парушэньні ўкраінскага сувэрэнітэту».
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG