Расея на месяц пераймае старшынства ў Радзе бясьпекі ААН. У траўні працу асноўнай структуры сусьветнай арганізацыі ўзначальвала Паўднёвая Карэя, а ў ліпені пасада старшыні Рады бясьпекі пяройдзе ў Руанду.
У штаб-кватэры ААН пастаянны прадстаўнік Расеі пры ААН Віталь Чуркін сказаў, што графік працы Рады бясьпекі «абяцае быць напружаным».
«Шмат увагі будзе нададзена Блізкаму Ўсходу: мы абмяркуем хаду блізкаўсходняга ўрэгуляваньня, становішча ў Емэне, Лібіі, працэс хімічнай дэмілітарызацыі Сырыі, гуманітарную сытуацыю ў гэтай краіне», — сказаў ён.
Цэнтральнай падзеяй расейскага старшынства ў Радзе бясьпекі ААН могуць стаць прызначаныя на 11 чэрвеня адкрытыя дэбаты, прысьвечаныя новым тэндэнцыям у міратворчасьці ААН.
Пасол Расеі таксама ня выключыў правядзеньня пасяджэньняў і па іншых пытаньнях, паколькі «кожны сябра Рады бясьпекі мае права патрабаваць правядзеньня паседжаньня па любой сытуацыі, якая, на яго думку, можа ўяўляць пагрозу міжнароднаму міру і бясьпецы».
Рада бясьпекі на працягу трох апошніх месяцаў рэгулярна абмяркоўвае сытуацыю ва Ўкраіне. Прыняцьце якіх-небудзь абавязковых да выкананьня рашэньняў нязьменна блякуе пастаянны сябра Рады бясьпекі Расея, якая выкарыстоўвае права вета.
У штаб-кватэры ААН пастаянны прадстаўнік Расеі пры ААН Віталь Чуркін сказаў, што графік працы Рады бясьпекі «абяцае быць напружаным».
«Шмат увагі будзе нададзена Блізкаму Ўсходу: мы абмяркуем хаду блізкаўсходняга ўрэгуляваньня, становішча ў Емэне, Лібіі, працэс хімічнай дэмілітарызацыі Сырыі, гуманітарную сытуацыю ў гэтай краіне», — сказаў ён.
Цэнтральнай падзеяй расейскага старшынства ў Радзе бясьпекі ААН могуць стаць прызначаныя на 11 чэрвеня адкрытыя дэбаты, прысьвечаныя новым тэндэнцыям у міратворчасьці ААН.
Пасол Расеі таксама ня выключыў правядзеньня пасяджэньняў і па іншых пытаньнях, паколькі «кожны сябра Рады бясьпекі мае права патрабаваць правядзеньня паседжаньня па любой сытуацыі, якая, на яго думку, можа ўяўляць пагрозу міжнароднаму міру і бясьпецы».
Рада бясьпекі на працягу трох апошніх месяцаў рэгулярна абмяркоўвае сытуацыю ва Ўкраіне. Прыняцьце якіх-небудзь абавязковых да выкананьня рашэньняў нязьменна блякуе пастаянны сябра Рады бясьпекі Расея, якая выкарыстоўвае права вета.