Лінкі ўнівэрсальнага доступу

Напярэдадні «Чарнобыльскага шляху» затрыманыя актывісты «Альтэрнатывы»


Суд Цэнтральнага раёну Менску арыштаваў на 5 сутак актывістаў «Альтэрнатывы» Аляксандра Сьцепаненку і Ўладзімера Сяргеева.

Сяргеева і Сьцепаненку затрымалі 23 красавіка. Пазьней іх зьвінавацілі ў дробным хуліганстве.

«Даведаліся пра гэта выпадкова, калі спрабавалі уведаць лёс затрыманага Ільлі Дабратвора. Патэлефанавалі ў турму на Акрэсьціна. Высьветлілі, што там яшчэ знаходзяцца людзі, — кажа кіраўнік „Альтэрнатывы“ Алег Корбан.— Мы пачулі прозьвішчы нашых актывістаў і супаставілі з тым, што працяглы час не можам зьвязацца зь імі».

Корбан зьвязвае затрыманьні Сяргеева і Сьцепаненкі з маючым адбыцца 26 красавіка «Чарнобыльскім шляхам»:

«Улада баіцца і занепакоеная ініцыятыўнасьцю і актыўнасьцю дзеячоў грамадзянскай супольнасьці. Думаю, ўлада хоча запалохаць удзельнікаў акцыяў».

Другой магчымай прычынай атрыманьня Корбан называе тое, што «Альтэрнатыва» распачала кампанію «За незалежную Беларусь»:

«У гэтыя дні мы плянавалі ладзіць акцыі па папулярызацыі беларускай сымболікі».

Аляксандар Сьцепаненка — 25-гадовы сябра АГП, інфармацыйны сакратар «Альтэрнатывы».

Уладзімер Сяргееў — каардынатар «Альтэрнатывы» па Менску, былы палітвязень, які быў фігурантам «Справы 14-ці» ў 2008 годзе.


23 красавіка у Менску на 10 сутак арыштавалі грамадзкага актывіста Ільлю Дабратвора.

22 красавіка суд пакараў 12 суткамі арышту грамадкага актывіста Максіма Вінярскага.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG