Бронетэхніка пад расейскімі сьцягамі ў Данбасе

СБУ ідэнтыфікавала расейскіх дэсантнікаў і дывэрсантаў

Расейская прапаганда называе тэрарыстаў «арміяй Данбаса»

Узброенымі людзьмі захоплены Данецкі гарсавет

СЛАВЯНСК (ФОТА)

Мінабароны Ўкраіны пацьвердзіла выкраданьне вайскоўцаў на Луганшчыне

У Арцёмаўску заблякаваны рух украінскай бронетэхнікі

У Арцёмаўскім раёне Данецкай вобласьці мясцовыя жыхары заблякавалі рух сямі адзінак бронетэхнікі.

Пра гэта паведамілі ў мэдыя-цэнтры Мінабароны Данецкай вобласьці.

Вайсковая тэхніка пад расейскімі сьцягамі ў Славянску (відэа)

Яцанюк заклікаў Расею не падтрымліваць тэрарызм

Адэскія сэпаратысты абвясьцілі «Адэскую рэспубліку»

Адэскі «Антымайдан» абвясьціў Адэскую вобласьць «Адэскай народнай рэспублікай» і заклікаў жыхароў горада блякаваць рух транспарту.

Адпаведны зварот апублікавана на сайце Антымайдану, перадае Інтэрфакс -Украіна.

Украінскія войскі ў Краматорску (фота)

Мінабароны Ўкраіны абвяргае захоп БТР сэпаратыстамі

Сэпаратысты блякуюць чыгунку

З-за блякаваньня чыгункі каля Краматорска цягніка зьмянілі маршруты.

Спрабуючы перашкодзіць перавозцы ваеннай тэхнікі, у Краматорск перакрылі чыгунку.

Пра гэта паведамляе Еспресо.TV са спасылкай на прэсавую службу Данецкай чыгункі.
Давялося зьмяніць маршруты руху 3 пар пасажырскіх і 14 пар прыгарадных цягнікоў.

Пасяджэньне гарвыканкама ў Данецку праходзіць пад дуламі аўтаматчыкаў

Уваход у памяшканьне Данецкага гарвыканкама ахоўваюць сэпаратысты з аўтаматамі

Пра гэта паведамляе Еспресо.TV.

НАТО накіроўвае караблі да расейскіх межаў

НАТО накіруе свае караблі ў Балтыйскае мора, усходняе Міжземнамор’е і ўзмоцніць патруляваньне паветранай прасторы краін Балтыі,— заявіў Генэральны сакратар НАТО Андэрс Фог Расмусэн па выніках пасяджэньня Паўночнаатлянтычнай Рады.

Міністар абароны Ўкраіны паехаў у Краматорск.

Улада не плянуе ўводзіць надзвычайнае становішча з-за падзей на ўсходзе Украіны, заявіў першы віцэ-прэм’ер-міністар украінскага ўраду Віталь Ярэма.

Ярэма пацьвердзіў, што парлямэнт на сваім пасяджэньні ў красавіку 16 красавіка падтрымаў тыя захады, якія ажыцьцяўляюць сілавыя структуры, у прыватнасьці МУС і Мінабароны, ва ўсходніх абласьцях.

Што да сытуацыі ў Краматорску, дзе захапілі ўкраінскую бронетэхніку, Ярэма адзначыў, што міністар абароны выехаў туды й дакладзе пра сытуацыю, паведамляе УНІАН.

Калёна бронемашынаў, захопленая (а паводле некаторых дадзеных здадзеная дабраахвотна) актывістамі «Данецкай народнай рэспублікі» заяжджае ў Славянск.