ПАДЗЕІ ДНЯ
Беларускі ПЭН-Цэнтр і кнігарня «логвінаЎ» працягваюць знаёміць чытачоў з аўтарамі, якія ўвайшлі ў доўгі сьпіс прэміі Гедройца. Героямі другой сустрэчы стануць Наталка Харытанюк (аўтарка кнігі «Сьмерць лесьбіянкі») і Адам Глобус (аўтар «Казак пра дарослых»). Весьці дыскусію будзе паэт Андрэй Хадановіч. Імпрэза адбудзецца ў кнігарні «ЛогвінаЎ» (праспэкт Незалежнасьці, 37а). Пачатак а 19.00.
Канцэрт-прэзэнтацыя трэцяга альбому гурту «Akute» «Realnaść i sny». Клюб «RE:PUBLIC», пачатак а 18:00.
Рок-гурт «Re1ikt» выступае на фэстывалі «Wake Up Bialystok» у Беластоку. Клюб «Gwint», пачатак а 18.00.
З нагоды 40-га дня ад сьмерці Рыгора Барадуліна будзе адслужаная Літургія за супакой ягонай душы ў 18.30, у капліцы душпастырскага цэнтру парафіі Праведнага Язэпа (Менск, вул. Арджанікідзе д. 6).
ГЭТЫ ДЗЕНЬ У ГІСТОРЫІ
1814 — францускі імпэратар Напалеон Банапарт адрокся ад пасаду.
1923 — у Вільні пачаўся першы зьезд пэдагогаў беларускіх сярэдніх школ Заходняй Беларусі, скліканы Таварыствам Беларускай Школы.
1927 — прынятая Канстытуцыя БССР.
1963 — гурт «The Beatles» выдаў сінгл «From Me to You», які стаў іх першай песьняй, якая патрапіла на вяршыню ў ангельскім гіт-парадзе.
2011 — адбыўся выбух у менскім мэтрапалітэне, 14 чалавек загінулі, дзясяткі былі параненыя.
У гэты дзень нарадзіліся:
1755 — ангельскі доктар Джэймс Паркінсан, які першы апісаў сымптомы захворваньня, вядомага сёньня пад назвай хваробы Паркінсана.
1936 — Івонка Сурвіла, старшыня Рады БНР.
У гэты дзень памерлі:
1937 — Цішка Гартны, беларускі пісьменьнік, грамадзкі і дзяржаўны дзеяч.
1977 — Жак Прэвэр, францускi паэт.
ЦЫТАТА НА ПАМЯЦЬ:
«Мой верш — мая душа
І думка шчырая мая!
У кожным слове маё я.
Мой верш — мая душа.»
Цішка Гартны
