Лінкі ўнівэрсальнага доступу

Невядомыя выкралі камандуючага флётам Украіны


Сяргей Гайдук

Група невядомых вывезла камандуючага ВМС Украіны адмірала Сяргея Гайдука са штабу ў Севастопалі.

Як паведамляе УНІАН са спасылкай на прадстаўніка «самаабароны» Крыму, «ім цяпер будуць займацца спэцслужбы».

У той жа час, адзін зь севастопальскіх сайтаў паведаміў, што Гайдука выявілі ў адным з памяшканьняў на тэрыторыі штабу і нібыта вывезьлі супрацоўнікі ФСБ.

У Мінабароны Ўкраіны пацьвердзілі факт вываду камандуючага ВМС Сяргея Гайдука са штабу ВМС у Севастопалі групай асобаў:

«Мы пацьвярджаем, што яго вывелі з штабу ВМС, цяпер высьвятляем падрабязнасьці», — паведамілі ў прэсавай службе ведамства.

Гайдука ў кайданках вывелі са штабу супрацоўнікі Галоўнага выведнага ўпраўленьня Расеі.

Сёньня ў Севастопалі расейскія акупацыйныя войскі пры падтрымцы парамілітарных фармаваньняў і жанчын захапілі штаб ВМС Украіны. Частка ўкраінскіх афіцэраў пакінулі захоплены штаб.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG