Лінкі ўнівэрсальнага доступу

Рада Бясьпекі ААН разгледзіць рэзалюцыю аб Украіне


Рада Бясьпекі ААН, як чакаецца, у суботу правядзе галасаваньне па рэзалюцыі ў падтрымку тэрытарыяльнай цэласнасьці Ўкраіны.

Праект рэзалюцыі, прапанаваны Злучанымі Штатамі, зьмяшчае таксама ацэнку маючага адбыцца ў нядзелю ў Крыме рэфэрэндуму аб незалежнасьці. У дакумэнце гаворыцца, што рашэньні плебісцыту «ня будуць мець законнай сілы».

Як паведамляюць агенцтвы Associated Press і Reuters, заходнія дыпляматы «амаль упэўненыя», што Расея накладзе вэта на праект рэзалюцыі. Тым ня менш сталы прадстаўнік ЗША пры ААН Саманта Паўэр заявіла, што галасаваньне ў Радзе Бясьпекі заклікана прадэманстраваць «ступень ізаляцыі, у якой знаходзіцца Расея, адмаўляючыся ад мірнага шляху».

У той жа час прыхільнікі рэзалюцыі ўпэўненыя, што 13 з 15 чальцоў Рады Бясьпекі падтрымаюць праект дакумэнту. Кітай, найверагодней, устрымаецца пры галасаваньні.

У пятніцу ў Лёндане адбыліся шасьцігадзінныя перамовы паміж кіраўніком МЗС Расеі Сяргеем Лаўровым і дзяржсакратаром ЗША Джонам Кэры. Бакам так і не ўдалося пераадолець рознагалосьсі што да крымскай праблемы і ўкраінскага крызісу ў цэлым.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG