У інтэрнэце і на вуліцах беларускіх гарадоў стартуе кампанія прамоцыі незалежных мэдыяў «Свабоду ўсім». Мэта кампаніі — папулярызаваць сярод беларусаў альтэрнатыўныя крыніцы інфармацыі, недзяржаўныя СМІ і сацыяльныя сеткі.
«Свабоду марозіву! Свабоду настаўніцам! Свабоду дажынкам!» — і іншыя забаўныя споклічы зьявяцца на налепках, майках, плястыкавых пакетах, і натуральна, у інтэрнэт-прасторы.
Ідэя належыць рэклямнай студыі Adliga, а менавіта — мастаку Артуру Вакараву.
