Больш за шэсьць гадзін у цэнтры Днепрапятроўска прыхільнікі Майдану спрабавалі ў ноч зь пятніцы на суботу ўручную скінуць помнік Леніну.
На яго залезьлі маладыя хлопцы ў альпінісцкім рыштунку і накінулі тросы на рукі і ногі скульптуры, адначасова ўнізе некалькі дзясяткаў мужчын цягнулі за тросы, спрабуючы разгайдаць манумэнт.
Спроба зрушыць помнік зь месца з дапамогай джыпа таксама была беспасьпяховай: вяроўка лопнула.
Нарэшце, помнік падпілавалі балгаркай і павалілі кранам.
За гэтым, нягледзячы на позьні час, назіралі тысячы людзей. Яны выкрыквалі «Слава Ўкраіне! Героям слава», «Ката прэч», «Валодзя, злазь» і час ад часу сьпявалі Гімн Украіны.
Прадстаўнік фракцыі Камуністычнай партыі Украіны ў Днепрапятроўскім гарадзкім савеце Сяргей Вараб’ёў заклікаў правесьці гарадзкі рэфэрэндум, перш чым зносіць скульптуру, аднак яго не паслухаліся.
Празь дзьве гадзіны пасьля пачатку спробаў зьвяржэньня Леніна прадстаўнікі атрадаў самаабароны нэйтралізавалі у натоўпе чалавека з траўматычнай зброяй: той, як распавядаюць відавочцы, дастаў пісталет і ўжо падняў пускавы кручок.
Невядомага мужчыну зьбілі, з акрываўленай галавой яго забрала машына хуткай дапамогі. У яго актывісты канфіскавалі мабільны тэлефон, пасьведчанне сябра грамадзкай арганізацыі «Закон і гонар», якую ўзначальвае рэгіянал Іван Ступак, а таксама пісталет.
На яго залезьлі маладыя хлопцы ў альпінісцкім рыштунку і накінулі тросы на рукі і ногі скульптуры, адначасова ўнізе некалькі дзясяткаў мужчын цягнулі за тросы, спрабуючы разгайдаць манумэнт.
Спроба зрушыць помнік зь месца з дапамогай джыпа таксама была беспасьпяховай: вяроўка лопнула.
Нарэшце, помнік падпілавалі балгаркай і павалілі кранам.
За гэтым, нягледзячы на позьні час, назіралі тысячы людзей. Яны выкрыквалі «Слава Ўкраіне! Героям слава», «Ката прэч», «Валодзя, злазь» і час ад часу сьпявалі Гімн Украіны.
Прадстаўнік фракцыі Камуністычнай партыі Украіны ў Днепрапятроўскім гарадзкім савеце Сяргей Вараб’ёў заклікаў правесьці гарадзкі рэфэрэндум, перш чым зносіць скульптуру, аднак яго не паслухаліся.
Празь дзьве гадзіны пасьля пачатку спробаў зьвяржэньня Леніна прадстаўнікі атрадаў самаабароны нэйтралізавалі у натоўпе чалавека з траўматычнай зброяй: той, як распавядаюць відавочцы, дастаў пісталет і ўжо падняў пускавы кручок.
Невядомага мужчыну зьбілі, з акрываўленай галавой яго забрала машына хуткай дапамогі. У яго актывісты канфіскавалі мабільны тэлефон, пасьведчанне сябра грамадзкай арганізацыі «Закон і гонар», якую ўзначальвае рэгіянал Іван Ступак, а таксама пісталет.
