Гэтую інфармацыю карэспандэнту Свабоды пацьвердзілі ва ўпраўленьні культуры Менгарвыканкаму.
26 студзеня на агульным сходзе трупы дырэктару Мікалаю Казюліну абвясьцілі вотум недаверу. Аналягічная сытуацыя склалася на сходзе 6 лютага, дзе прысутнічалі намесьнік старшыні Менгарвыканкаму Ігар Карпенка і начальнік упраўленьня культуры гарвыканкаму Віталіна Рудзікава.
Адной з прычынаў вотуму недаверу стала рашэньне Казюліна звольніць мастацкага кіраўніка ТЮГа Ўладзімера Савіцкага і наагул скасаваць ягоную пасаду.
Мікалай Казюлін заняў пасаду дырэктара беларускага Тэатру юнага гледача некалькі месяцаў таму, пасьля сьмерці папярэдняга кіраўніка тэатру Юрыя Куліка.
Цяперашні мастацкі кіраўнік тэатру Ўладзімер Савіцкі — ляўрэат некалькіх драматургічных конкурсаў, аўтар інсцэніровак і п’ес.
Драматург, сцэнарыст, тэатральны крытык Жана Лашкевіч сказала карэспандэнту Свабоды:
«Цяпер самае складанае — знайсьці такую кандыдатуру на пасаду дырэктара, якая б працавала на карысьць тэатру, на яго росквіт і ўваходжаньне ў адрамантаваны будынак. Мы спадзяёмся, што цяпер пры прызначэньні новага дырэктара ўлічаць і нашую думку».
26 студзеня на агульным сходзе трупы дырэктару Мікалаю Казюліну абвясьцілі вотум недаверу. Аналягічная сытуацыя склалася на сходзе 6 лютага, дзе прысутнічалі намесьнік старшыні Менгарвыканкаму Ігар Карпенка і начальнік упраўленьня культуры гарвыканкаму Віталіна Рудзікава.
Адной з прычынаў вотуму недаверу стала рашэньне Казюліна звольніць мастацкага кіраўніка ТЮГа Ўладзімера Савіцкага і наагул скасаваць ягоную пасаду.
Мікалай Казюлін заняў пасаду дырэктара беларускага Тэатру юнага гледача некалькі месяцаў таму, пасьля сьмерці папярэдняга кіраўніка тэатру Юрыя Куліка.
Цяперашні мастацкі кіраўнік тэатру Ўладзімер Савіцкі — ляўрэат некалькіх драматургічных конкурсаў, аўтар інсцэніровак і п’ес.
Драматург, сцэнарыст, тэатральны крытык Жана Лашкевіч сказала карэспандэнту Свабоды:
«Цяпер самае складанае — знайсьці такую кандыдатуру на пасаду дырэктара, якая б працавала на карысьць тэатру, на яго росквіт і ўваходжаньне ў адрамантаваны будынак. Мы спадзяёмся, што цяпер пры прызначэньні новага дырэктара ўлічаць і нашую думку».
