Гэтай ноччу Свабода ня сьпіць

Ад нуля гадзін 22 студзеня ва Ўкраіне ўступае ў сілу пакет жорсткіх законаў, якія ўзмацняюць адказнасьць за масавыя грамадзкія дзеяньні. Назіральнікі не выключаюць крытычнага абвастрэньня сытуацыі ў Кіеве.

Радыё Свабода ўсю ноч будзе сачыць за падзеямі. Паведамленьні карэспандэнтаў Свабоды, фота і відэарэпартажы – у жывым блогу на сайце svaboda.org.
Чытайце далей...

Ростані Майдана

Ва Ўкраіне рыхтуюць надзвычайны стан, — СМІ

Дэпутатаў ад Партыі рэгіёнаў зьбіраюць на чацьвер у Кіеве, Вярхоўная Рада можа прагаласаваць за надзвычайнае становішча.

Паводле ўкраінскіх СМІ, першы крок да гэтага быў зроблены ўчора зваротам прэзыдэнта да народа, цяпер урад або Рада нацыянальнай бясьпекі і абароны павінны падаць адпаведнае рашэньне ў парлямэнт, а дэпутаты яго зацьвердзіць.
Чытаць далей...

Жорсткія законы запрацуюць ва Ўкраіне заўтра

Ва Ўкраіне неўзабаве ўвойдуць у сілу новыя законы, якія выклікалі новую хвалю пратэстаў. Чакалася, што ўначы можа нават быць уведзенае надзвычайнае становішча. З Кіева паведамляе журналістка Алена Літвінава.

Ціхановіч: Што зьменіцца ўжо заўтра ва ўкраінскім заканадаўстве?

Літвінава: Усяго было прынята 11 законаў, яны ўсе былі падпісаныя прэзыдэнтам адным пакетам, але юрыдычную сілу яны набудуць ня ўсе адразу ад заўтра. У прыватнасьці, ад заўтрашняга дня набудуць моц законы, якія рэгулююць правядзеньне вулічных акцыяў паблізу ворганаў дзяржаўнай улады. Пакараньне, якое прадугледжваецца за гэта, – 15 сутак. Таксама большая адказнасьць прадугледжаная за публічныя заявы і заклікі экстрэмісцкага характару. Арыштам 15 сутак будуць карацца людзі, якія выходзяць на масавыя акцыі ў касках.

Чытаць далей...

У інтэрнэце зьявілася відэа жорсткага зьбіцьця журналістаў Свабоды

У аб’ектыў трапілі кадры, дзе добра відаць, што журналістаў спачатку павалілі на зямлю, а потым пачалі біць. На відэа таксама чуваць галасы відавочцаў, якія назіралі за інцыдэнтам і камэнтуюць убачанае. Пацярпелыя сьцьвярджаюць, што на відэа менавіта яны.

Дмытро Баркар і Ігар Ісхакаў былі атакавыя спэцназам «Беркут» у той час, калі вялі наўпроставую відэатрансьляцыю падзеяў. На працягу пяці гадзін іх утрымлівалі асобна адзін ад аднаго, не даючы доступу да тэлефоннай сувязі і да юрыстаў. Яны таксама былі зьбітыя.

Абодва адпрэчваюць абвінавачваньні міліцыі, што яны бралі ўдзел у гвалтоўных дзеяньнях або правакавалі праваахоўнікаў нейкім чынам. Апошнія зьнятыя імі відэакадры перад момантам затрыманьня зь іх наўпроставага эфіру пацьвярджаюць іх словы.

«Беркут» страляе ў мітынгоўцаў сталёвым шротам

Людзі заяўляюць, што знаходзяць на вуліцы Грушэўскага, непасрэдна на месцы беспарадкаў, нявыкарыстаныя гільзы са сталёвым шротам.

Яны кажуць, што менавіта такімі патронамі страляюць у мітынгоўцаў праваахоўнікі. Кіраўнік аднаго з аддзелаў унутраных войскаў у камэнтары Радыё Свабода заявіў, што шрот выкарыстоўвалі толькі прадстаўнікі спэцаадзел «Беркут».

Відавочцы паведамляюць, што адразу ў некалькіх месцах Кіева ідзе бой зь "цітушкамі"

По інформації, яка поступає від людей, в районі метро Петровка зараз йде жорстка драка з тітушками. Участь приймають більше 60 людей

— ЄвроМайдан (@EuroMaydan) January 21, 2014

Напярэдадні экс-міністар унутраных справаў Юры Луцэнка заклікаў усіх на Майдан

Намесьніка камэнданта Майдану вывезьлі ў лес і імітавалі расстрэл

Раней сёньня зьявілася паведамленьне ў фэйсбуку ад імя самога Ігара Луцэнкі, але пацьвярджэньняў, што ён ужо на волі, спачатку не было, і тое паведамленьне выклікала сумневы.

Па словах гэтага паведамленьня, Ігара Луцэнка зь яшчэ адным чалавекам выкралі ноччу «дужыя маладзёны са шпіталя, дзе тыя знаходзіліся, і вывезьлі ў лес пад Кіевам, пасьля чаго трымалі больш 10 гадзінаў зачыненым у нейкім гаражы, а затым зноў вывезьлі ў лес і, імітуючы падрыхтоўку да расстрэлу, кінулі там. «Амаль 15- гадзіннае кантактаваньне з выкрадальнікамі было часам вельмі цяжкім маральна і фізычна», — гаворыцца ў паведамленьні.

Ігар Луцэнка зьяўляецца намесьнікам камэнданта Эўрамайдану, сябрам Рады УА «Майдан». Ён таксама зьяўляецца сябрам Галоўнай Рады Украінскага таварыства аховы помнікаў гісторыі і культуры, кантактнай асобай па грамадзкай лініі з ЮНЭСКА і ІКАМОС, актывістам абароны помнікаў архітэктуры, аб’ектаў сусьветнай спадчыны ЮНЭСКА, актывістам прыродаахоўнага руху, абаронцам Сафіі Кіеўскай, унесенай у ахоўны рэестар помнікаў гісторыі і культуры ЮНЭСКА, адным з кіраўнікоў грамадзкай ініцыятывы па барацьбе зь незаконнай забудовай «Захавай стары Кіеў».
Чытаць далей...

А вы бачылі фоткі Паўло Зуб’юка з Кіева сёньня? Гэта выглядае як «апакаліпсіс па-ўкраінску»

У фэйсбуку прэм'ер Украіны абвінаваціў апазыцыю ў закалотах і падзякаваў сілавікам за службу

Прэм’ер-міністар Украіны Мікалай Азараў лічыць, што лідэры апазыцыі павінны вызначыцца — падтрымліваюць яны ці не агрэсіўныя дзеяньні на вуліцы Грушэўскага ў Кіеве. Пра гэта ён напісаў на сваёй старонцы ў Facebook у аўторак вечарам.

«На працягу бліжэйшых дзён яны павінны выразна і ясна выказаць сваю пазіцыю. Калі яны падтрымліваюць гэтых грамілаў, гэтых экстрэмістаў, правакатараў, тады яны павінны сказаць: „Так, мы разам“. І несьці за гэта адказнасьць. Калі яны не падтрымліваюць, то яны павінны разам з уладай прыбраць гэтых бандытаў і правакатараў з вуліц сталіцы», — напісаў Азараў.

Прэм’ер лічыць, што адказнасьць за тое, што адбываецца ў цэнтры Кіева ляжыць, перш за ўсё, на тых лідэрах апазыцыйных партыяў, якія апошні час падбухторвалі Майдан да дзеяньняў супраць улады і ўсяляк спрабавалі дэстабілізаваць сытуацыю ў дзяржаве. Азараў падзякаваў праваахоўнікам за вытрымку пры сутыкненьнях на вуліцы Грушэўскага.

Аўтобусы зь невядомымі зьбіраюцца на пад'ездах да Кіева

Автобуси з невідомими людьми збираються на в'їздах до Києва http://t.co/St9D7hJNJu #Євромайдан #Евромайдан pic.twitter.com/1P4qnWs46U

— ЄВРОМАЙДАН (@euromaidan) January 21, 2014

Аўтамайдан зноў ловіць "цітушак"