Вулічныя баі ў Кіеве. Забітыя і параненыя

Сябра забітага беларуса: Ён мусіў зьехаць з-за палітыкі

Мы пазнаёміліся, калі пачаўся Майдан. Пасьля падзеяў 1 сьнежня мы сустрэліся, і вось бачыліся цягам месяца да яго трагічнай гібелі. Што да сям’і, то ня ведаю. Здаецца, у яго дзядзька, мажліва зь Менску, ці таксама з Гомеля, займае нейкую пасаду чыноўніка. Ён проста распавядаў, што праз палітычны перасьлед яго моцна шукалі, і ён шмат чаго не распавядаў.

На Эўрапейскую Плошчу прыбыў грэйдэр. На вуліцы Грушэўскага запрацавалі вадамёты, але зь відэатрансьляцыі незразумела, ці яны накіраваныя на пажары, якія там адбываюцца, ці на людзей.

УНА-УНСО прызнала сьмерць свайго байца-беларуса

Прэс-служба РОО УНА паведамляе пра гібель свайго байца Олексія (Локкі). Па інфармацыі Радыё Свабода, гэта беларус з Гомеля Міхаіл Жызьнеўскі.

«На перадавой першыя страты УНСоўцаў... Сёньня загінуў адзін з найлепшых байцоў УНА. Сёньня да Валгалы адляцела душа воіна ўкраінскага народу — Аляксея (Локкі).

Вось баявая куля, якімі страляцюь на Грушэўскага. Такой куляй толькі што забілі майго Сябра Локкі...».

Відэа, як у фатографа Васіля Фядосенку трапляе куля

Крамам і офісам у цэнтры Кіева загадалі зачыніцца да 16:00

Усе крамы і офісы, якія разьмешчаныя на цэнтральнай вуліцы Кіева — Храшчаціку — атрымалі негалосную рэкамэндацыю зачыніцца сёньня а 16:00 (17:00 па Менску).

Пра гэта паведамляе радыё «Голас Сталіцы».

Хто менавіта «рэкамэндаваў» пакінуць будынкі на Храшчаціку, і ці сапраўды гэта зьвязана з зачысткай на Майдане, пакуль не вядома.

А так виглядає розгромлений медпункт на Грушевського pic.twitter.com/MU2UBBjnGw

— The Avramchuk Post (@avramchuk_katya) January 22, 2014

У МЗС Украіны эвакуацыя

У МЗС Украіны рыхтуюцца да эвакуацыі, паведаміў адзін з дыпляматаў. Пакуль гэта датычыць толькі жанчын.

Распавядаюць сябры і знаёмыя загінулага беларуса

Ён палітычны эмігрант зь Беларусі. Выехаў, калі яшчэ быў малады, здаецца, у 18 гадоў. Я цяпер не прыгадаю, чаму, але ён казаў — праз новы віток палітычнага ціску. Яму пагражала турма за ягоную дзейнасьць

Беларусь, забіты ў Кіеве, быў байцом УНА-УНСО?

МЗС: інфармацыя аб забойстве беларуса ў Кіеве правяраецца

Прадстаўніца прэсавай службы Міністэрства замежных спраў Беларусі Марыя Ваньшына:

«Нічога новага пакуль сказаць не магу. Інфармацыя аб нібыта забойстве грамадзяніна Беларусі правяраецца».

«Мы чуткі не камэнтуем. Афіцыйнай інфармацыі ад украінскага боку ў нас няма. Ёсьць пэўныя схемы ўзаемадзеяньня. І гэтыя схемы працуюць. У нас на дадзены момант афіцыйнай інфармацыі пра тое, што ёсьць факт сьмерці, няма», — заявіў Радыё Свабода Ігар Мелідовіч, дарадца пасланьніка Беларусі ва Ўкраіне.

Свабодзе пацьвердзілі сьмерць беларуса ў Кіеве

Адзін з забітых сёньня ў Кіеве — беларус Жызьнеўскі Міхаіл Міхайлавіч. Пра гэта Свабодзе паведамілі ў Штабе нацыянальнага супраціву.

У амбасадзе Беларусі ў Кіеве адмаўляюцца гаварыць на гэтую тэму.

Апазыцыя стварае альтэрнатыўныя парлямэнт і ўрад

Юры Луцэнка з трыбуны Эўрамайдану абвясьціў Народную Раду з складу апазыцыйных дэпутатаў альтэрнатыўным парлямэнтам Украіны: «Усе дэпутаты могуць падпісацца пад яе стварэньнем. Хто не падпіша — застанецца па-за законам. Народная рада стварае альтэрнатыўны ўрад на чале зь Віталем Клічко. Зь Януковічам можна весьці перамовы толькі пра ягоную адстаўку», — заявіў Луцэнка.

«Гэта вайна за вызваленьне Ўкраіны ад крывавай саветчыны, якая засела ў адміністрацыі прэзыдэнта», — заявіў Юры Луцэнка.

БТР стаў сярод першага шэрагу «Беркуту», спэцназаўцы пачалі гучна біць у шчыты. На вуліцы Грушэўскага цёмна, як ноччу — ад чорнага дыму.

На дапамогу «Беркуту» прыбыў БТР.

"Нам адступаць няма куды!",—заявіў чарговы выступоўца на Эўрамайдане.

Дэманстранты працягваюць закідваць камянямі спэцназ. Тыя закрыліся шчытамі. На вуліцы чорна ад дыму.

Апазыцыя ідзе да Януковіча

Арсень Яцанюк паведаміў у Twitter, што ў 14:45 ён разам з Клічко і Цягнібокам ідуць на перамовы да Януковіча.

В 13.45 ми втрьох йдемо до Януковича. Зустріч підтверджено.

— Arseniy Yatsenyuk (@Yatsenyuk_AP) January 22, 2014

Вуліца Грушэўскага ў дыме

Усяго зь дзясятак ачагоў пажару, пераважна гараць шыны, якія дэманстранты прынесьлі для будаўніцтва барыкад.

Апазыцыя склікае Народнае веча

На майдане Незалежнасьці працягваецца шматтысячны мітынг. Апазыцыя склікае на 18-ю гадзіну народнае веча. «У сьмерцях вінаваты пэрсанальна Януковіч», — заявіў дэпутат ад «Бацькаўшчыны» Сяргей Собалеў.