Арганізатар канцэрту Павал Кашырын кажа, што проста «забыліся паведаміць пра адмену», а адміністрацыя КЗ «Менск» сьцьвярджае, што на гэты дзень у іх заплянаваны спэктакль.
У прыёмнай КЗ «Менск» на пытаньне, ці адбудзецца канцэрт Камоцкай, жаночы голас адказвае: «Па-мойму, усё застаецца ў сіле. Але пазваніце ў аддзел культуры».
«Мы ніякага ліста пра адмену канцэрту Камоцкай ад арганізатараў не атрымлівалі, — кажа намесьнік загадчыка аддзелу культуры Канстанцін Мардар. — Нічога ня ведаем. У нас на гэты дзень „Старасьвецкая камэдыя“ тэатру Янкі Купалы».
Сайт kvitki.by на 14.00 прадаваў квіткі і на канцэрт Касі Камоцкай, і на спэктакль «Старасьвецкая камэдыя». Абедзьве падзеі меліся адбыцца 10 сьнежня ў малой залі КЗ «Менск».
На 14.20 было прададзена каля 50 квіткоў на канцэрт Камоцкай і 1 (!) квіток на спэктакль «Старасьвецкая камэдыя».
Павал Кашырын, арганізатар канцэрту Касі Камоцкай, нэрвова кажа:
«Я ня буду нічога тлумачыць. Я ўжо ўсім усё расказаў. Гэта састарэлая інфармацыя. Гэты канцэрт павінен быў быць яшчэ на пачатку сьнежня. Але праз два дні мы вырашылі, што яго ўсё ж ня будзе 10 студзеня. Мы проста забыліся адклікаць гэтую навіну».
Чаму квіткі дагэтуль прадаюцца праз kvitki.by, Кашырын тлумачыць так:
«На kvitki.by продаж замарожаны. Я толькі што зь імі размаўляў. Я не магу сачыць, што і як там у іх адбываецца».
На пытаньне, ці будзе ўсё ж канцэрт Касі Камоцкай, Кашырын кажа, што ня ведае.
«У нас тут і канцэпцыя зьмянілася, і трэба з памяшканьнем вырашыць. Я проста ня ведаю», — кажа Кашырын.
Кася Камоцкая цяпер ў Літве. Зьвязацца зь ёю пакуль не ўдалося.
У прыёмнай КЗ «Менск» на пытаньне, ці адбудзецца канцэрт Камоцкай, жаночы голас адказвае: «Па-мойму, усё застаецца ў сіле. Але пазваніце ў аддзел культуры».
«Мы ніякага ліста пра адмену канцэрту Камоцкай ад арганізатараў не атрымлівалі, — кажа намесьнік загадчыка аддзелу культуры Канстанцін Мардар. — Нічога ня ведаем. У нас на гэты дзень „Старасьвецкая камэдыя“ тэатру Янкі Купалы».
Сайт kvitki.by на 14.00 прадаваў квіткі і на канцэрт Касі Камоцкай, і на спэктакль «Старасьвецкая камэдыя». Абедзьве падзеі меліся адбыцца 10 сьнежня ў малой залі КЗ «Менск».
На 14.20 было прададзена каля 50 квіткоў на канцэрт Камоцкай і 1 (!) квіток на спэктакль «Старасьвецкая камэдыя».
Павал Кашырын, арганізатар канцэрту Касі Камоцкай, нэрвова кажа:
«Я ня буду нічога тлумачыць. Я ўжо ўсім усё расказаў. Гэта састарэлая інфармацыя. Гэты канцэрт павінен быў быць яшчэ на пачатку сьнежня. Але праз два дні мы вырашылі, што яго ўсё ж ня будзе 10 студзеня. Мы проста забыліся адклікаць гэтую навіну».
Чаму квіткі дагэтуль прадаюцца праз kvitki.by, Кашырын тлумачыць так:
«На kvitki.by продаж замарожаны. Я толькі што зь імі размаўляў. Я не магу сачыць, што і як там у іх адбываецца».
На пытаньне, ці будзе ўсё ж канцэрт Касі Камоцкай, Кашырын кажа, што ня ведае.
«У нас тут і канцэпцыя зьмянілася, і трэба з памяшканьнем вырашыць. Я проста ня ведаю», — кажа Кашырын.
Кася Камоцкая цяпер ў Літве. Зьвязацца зь ёю пакуль не ўдалося.
