Папскі дакумэнт уручыў беларускай верніцы Апостальскі Нунцый у Беларусі арцыбіскуп Кляўдыё Гуджэроцьці
Першы папскі дакумэнт па-беларуску — ліст шчырай верніцы
Папа Францішак напісаў беларускай жанчыне першы свой дакумэнт на беларускай мове.
Як паведамляе сайт Рыма-каталіцкага касьцёла ў Беларусі, папа Францішак напісаў ліст беларускай верніцы Ядвізе Пастэрнак.
«Спадарыні Ядвізе Пастэрнак з удзячнасьцю за ўсё тое, што Вы зрабілі і робіце для Касьцёла. Прашу Вас маліцца за мяне. Няхай Пан Бог Вас блаславіць, а Багародзіца Вас аберагае. Францішак», — такі тэкст ліста.
Папскі дакумэнт уручыў беларускай верніцы Апостальскі Нунцый у Беларусі арцыбіскуп Кляўдыё Гуджэроцьці падчас візіту ў парафію Ўзвышэння Святога Крыжа ў Вялейцы 22 сьнежня.
Ядвіга Пастэрнак, нарадзілася ў 1927 годзе ў вёсцы Муляры ў 35 кілямэтраў ад Вілейкі, зь дзіцячых гадоў сама была актыўнай верніцай і дапамагала іншым.
