Лінкі ўнівэрсальнага доступу

Акцыя прыхільнікаў КХП-БНФ
Акцыя прыхільнікаў КХП-БНФ

Ушанаваньне змагароў Слуцкага збройнага чыну. Жывы рэпартаж

абноўлена

Актывісты Партыі БНФ і КХП-БНФ ушанавалі памяць змагароў Слуцкага збройнага чыну.

13:09 24.11.2013
Групу Партыі БНФ так і не пусьцілі ў Семежава.

Міліцэйскія аўтамабілі ад’ехалі далей, схаваліся ў тумане, але не зьехалі зусім.

Міліцыянты прапануюць актывістам ехаць у Слуцк, бо «ў вас не ўзгоднены маршрут».
13:04 24.11.2013
Фоты з акцыі Партыі БНФ ў Грозаве





Гісторык Анатоль Валахановіч распавядае пра падзеі ў Грозаве 24 лістапада 1920 года
Гісторык Анатоль Валахановіч распавядае пра падзеі ў Грозаве 24 лістапада 1920 года


12:59 24.11.2013
Ля вёскі Скабін міліцыя заблякавала аўтобус з актывістамі Партыі БНФ.

Супрацоўнік ДАІ запрасіў кіроўцу ў сваю машыну, каб спраўдзіць дакумэнты.

Тым часам пад’ехалі яшчэ 2 машыны.

Міліцыянты перакрылі дарогу.
12:48 24.11.2013
КХП-БПФ праводзіць мітынг ў Вызьне, якая цяпер называецца Красная Слабада.

Там 10 гадоў таму быў крыж у памяць пра паўстанцаў, але потым яго сьпілавалі і дагэтуль не аднавілі.

На тым месцы вось амаль ужо 20 гадоў актывісты КХП-БНФ ладзяць мітынг.

Мітынг, паводле Юрася Беленькага, ідзе мірна. Мясцовыя жыхары назіраюць. Некаторыя зь іх далучыліся.
12:45 24.11.2013
Аўтобус Партыі БНФ спыніла ДАІ. Правяраюць дакумэнты.
12:44 24.11.2013
Макаева і грамадзкага актывіста Ільлю Дабратвора на міліцэйскай машыне павезьлі разьбірацца ў міліцыю. За імі на ўласным аўто паехаў старшыня Партыі БНФ Аляксей Янукевіч.

Міліцыянты палічылі ўскладаньне кветак у Грозаве несанкцыянаванай акцыяй, а прамовы — мітынгам.

Высьветлілася, што арганізатары маюць толькі дазвол на мітынг у Слуцку, але не ў вёсках.

Год таму Макаева пакаралі паводле аналягічных абвінавачваньняў.

Аўтобус рухаецца ў бок Семежава.
12:25 24.11.2013
Актывісты Партыі БНФ усклалі кветкі ў Грозаве.

Пасьля гэтага да іх пад’ехала міліцэйская машына.

Маёр Віктар Казура запрасіў на размову аднаго з арганізатараў сьвяткаванья прадпрымальніка Алеся Макаева.

Казура спрабуе дазнацца на падставе чаго адбываецца акцыя.
11:59 24.11.2013
Фоты з акцыі КХП-БНФ у Семежаве

11:55 24.11.2013
Міліцыя разагнала сход, прысьвечаны Слуцкаму збройнаму чыну
11:22 24.11.2013
У Семежаве адбываецца мітынг КХП-БНФ.

Алесь Чахольскі зачытвае зварот старшыні партыі Зянона Пазьняка.

Пазьняк піша пра гістарычную ролю Слуцкага паўстаньня. Гаворачы пра сёньняшнюю сытуацыю, ён адзначае, «што гэты рэжым нявечны».

За мітынгам назіраюць мясцовыя жыхары.

Юрась Беленькі кажа: вяскоўцы прызналіся яму, што мясцовыя ўлады забаранялі ім удзельнічаць ў сёньняшняй акцыі.

10:29 24.11.2013
У Грозаве актывісты КХП-БНФ усклалі кветкі да помніка паўстанцам.

Зь Менску прыехалі каля 50 чалавек. Да іх далучыліся мясцовыя жыхары, паведаміў Радыё Свабода намесьнік старшыні КХП-БНФ Юрась Беленькі.



Юрась Беленькі
Юрась Беленькі
10:14 24.11.2013
Плян мерапрыемстваў КХП-БНФ:
  • 10.00 – мітынг у Грозаве.
  • 11.00 – мітынг у Семежаве.
  • 12.30 – мітынг у Чырвонай Слабадзе.
  • 14.30 – мітынг у Слуцку каля будынка Слуцкага краязнаўчага музэя.


Плян мерапрыемстваў Партыі БНФ
  • Збор у Менску: 9.45 – 10.00
  • Наведваньне Семежава, Грозава, Вызны
  • Мітынг на гарадзкім стадыёне ў Слуцку: 14.00 – 15.00
10:13 24.11.2013
З нагоды чарговых угодкаў Слуцкага збройнага чыну Старшыня Рады БНР Івонка Сурвіла зьвярнулася да беларусаў з традыцыйным віншавальным зваротам.
10:09 24.11.2013
Слуцкі збройны чын — спроба ўзброенай абароны незалежнасьці Беларусі ў раёне Слуцку ў лістападзе і сьнежні 1920 году. Прыкладна месяц беларускія вайсковыя адзьдзелы, сфармаваныя пераважна зь мясцовых сялянаў, аказвалі супраціў савецкім войскам.
10:05 24.11.2013
Радыё Свабода пачынае жывы рэпартаж. Сачыце за падзеямі на нашым сайце.
XS
SM
MD
LG