Лінкі ўнівэрсальнага доступу

Нацбанк пра валюту: Гэта чарговае глупства


У Нацбанку абвяргаюць паведамленьні ў інтэрнэце пра тое, што ў Беларусі зьбіраюцца абмежаваць абарот даляраў ЗША і эўра, а таксама забараніць захоўваць зьберажэньні ў далярах і эўра.

Паводле інтэрнэт-сайтаў, улады Беларусі прапрацоўваюць варыянты ўвядзеньня радыкальных захадаў на валютным рынку краіны. Як стала вядома «Беларускаму партызану», «гарачыя галовы» ў беларускім урадзе рыхтуюць дэкрэт аб абмежаваньні абароту даляраў ЗША і эўра на тэрыторыі краіны. Маўляў, калі ён будзе прыняты, грамадзяне павінны будуць пазбавіцца ад даляраў і эўра цягам двух месяцаў.

Рахункі ў замежнай валюце будуць аўтаматычна пераведзеныя ў нацыянальную валюту. А тыя, хто выяжджае ў іншыя краіны, змогуць купляць валюту толькі па спэцзаяўцы.

Камэнтуючы гэтую інфармацыю карэспандэнту Свабоды, прэс-сакратар Нацбанку Аляксандар Цімашэнка сказаў, што гэта чарговая дурная чутка:

«Гэта хоць крыху падобна да праўды? Ствараем Эўразійскі эканамічны саюз, з адкрытымі межамі. Ну як вы сабе ўяўляеце нейкія забароны ў межах Рэспублікі Беларусь наконт даляраў ці эўра? Як гэта магчыма, вы можаце сабе ўявіць?»

Тым часам у афіцыйнай газэце «Рэспубліка» зьявіўся артыкул, у якім выказана прапанова цалкам забараніць валютныя дэпазыты. На гэта Цімашэнка сказаў, што гэта толькі меркаваньне журналіста:

«Журналіст любога выданьня можа выказваць свой пункт гледжаньня на тую ці іншую праблему. І потым ператвараць гэта ў нейкую інфармацыйную кампанію? Выйшаў адзін артыкул у адным выданьні. Цяпер гэта падаецца як нейкая інфармацыйная кампанія па падрыхтоўцы невядома чаго. Ну як так можна?»

Глядзець камэнтары (3)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG