Лінкі ўнівэрсальнага доступу

Санкцыі ЭЗ супраць Менску будуць падоўжаныя аўтаматычна


Як паведамляе брусэльскі карэспандэнт Свабоды Рыкард Юзьвяк, візавыя і эканамічныя санкцыі Эўразьвязу супраць беларускіх уладаў будуць падоўжаныя аўтаматычна яшчэ на адзін год, пачынаючы ад лістападу.

Гэтак вынікае з раней прапісанага мэханізму санкцый, які прадбачвае іхны працяг у ня зьмененай форме, калі не зьмяняецца сытуацыя зь беларускімі палітвязьнямі (няма ні вызваленьня, ні рэабілітацыі вязьняў) ды з павагай уладаў да правоў чалавека, законнасьці і дэмакратычных прынцыпаў у Беларусі.

З увагі на гэты аўтаматызм падоўжаньня санкцый, яны ня будуць прадметам абмеркаваньня на сёньняшнім пасяджэньні міністраў замежных справаў ЭЗ, якое адбываецца ў Люксэмбургу.

На гэты момант санкцыі дзейнічаюць у дачыненьні да 243 асобаў, у тым ліку Аляксандра Лукашэнкі і ягоных старэйшых сыноў, і 32 кампаній, якія належаць набліжаным да яго беларускім алігархам.

На мінулым тыдні з заклікам да міністраў замежных справаў ЭЗ пашырыць і ўзмоцніць эканамічныя санкцыі супраць беларускіх кампаній, якія падтрымліваюць аўтарытарны рэжым Аляксандра Лукашэнкі, зьвярнуўся Нарвэскі Хэльсынскі камітэт. Ліст падпісалі каля дзясятка праваабарончых арганізацый з Эўропы, уключна з «Ostgruppen» (Швэцыя), «AdHoc» (Славаччыны), «People in Need» (Чэхія), «Libereco — Partnership for Human Rights» (Швэйцарыя і Нямеччына).

За працяг санкцый супраць беларускага рэжыму на мінулым тыдні выказалася таксама Рада БНР.

Яшчэ на гэтую тэму

Ігар Лосік Кацярына Андрэева Ірына Слаўнікава Марына Золатава Ягор Марціновіч

Самае папулярнае

XS
SM
MD
LG