Лінкі ўнівэрсальнага доступу

КДБ арыштаваў хабарнікаў на мытні


Ілюстрацыйнае фота

Адказны супрацоўнік менскай мытні, які павінен быў змагацца з кантрабандай, сам браў хабар.

Як паведамляе прэсавая служба КДБ, супрацоўнік аддзелу па барацьбе з кантрабандай і адміністрацыйнымі правапарушэньнямі Менскай рэгіянальнай мытні затрыманы КДБ.

Ён узяў 7000 эўра ад грамадзяніна Расеі за тое, каб хутчэй правесьці праверку, зьвязаную з мытным афармленьнем увезеных на тэрыторыю Мытнага зьвязу грузавых аўтамабіляў.

КДБ распачало крымінальную справу за атрыманьне хабару. Падазраванага арыштавалі.

Яшчэ двух грамадзян Беларусі арыштавалі і абвінавацілі ў падбухторваньні грамадзяніна Расеі да дачы хабару ў памеры 10 000 эўра за спрыяльнае вырашэньне пытаньня па праходжаньні мытных працэдур у дачыненьні да ўвезеных у Беларусь грузавых аўтамабіляў.

Матэрыялы крымінальнай справы накіраваныя ва ўпраўленьне Сьледчага камітэту па Менску для далейшага расьсьледаваньня.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG