Лінкі ўнівэрсальнага доступу

«Японская восень» у Горадні


Выстава японскага дызайну пад такой назвай распачалася ў Горадні.

Выставу прадстаўляе амбасада Японіі ў Беларусі. Яна прымеркавана да 40-годзьдзя ўсталяваньня адносін паміж гарадамі-пабрацімамі Менскам і Сэндаем, а таксама да 200-годзьдзя з дня нараджэньня Ёсіфа Гашкевіча, першага консула Расейскай імпэрыі ў Японіі, аўтара першага ў сьвеце японска-расейскага слоўніка. Ёсіф Гашкевіч нарадзіўся ў вёсцы Малі Астравецкага раёну ў 1814 годзе.

Выстава прадстаўляе каля ста ўзораў сучаснага прамысловага дызайну 1990–2000-х гадоў, а таксама экспанаты пасьляваеннага пэрыяду — 1950-х гадоў.

На адкрыцьці выставы прысутнічала дэлегацыя зь японскай амбасады на чале з амбасадарам Японіі ў Беларусі Сігэхіра Міморы. Пасьля Горадні выстава накіруецца ў Менск, а затым у Кёльн.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG